楊思琦、趙頌茹（阿Yu）、張慧儀和徐淑敏（Suki）等昨日在奧海城出席一個親子頒獎禮，除了徐淑敏外，其餘三人都先後經歷感情挫折，不過最後都可以重新振作，再度投入工作。
拒談吳啟華離婚
早前阿Yu跟丈夫周永恆爭執時被推倒落地受傷，昨日所見她的下巴位置仍有明顯縫針的疤痕，獨力湊兩個囡囡的阿Yu，復出後工作不斷增多，她笑說：「最初有啲唔習慣，可能以前懶咗好耐，不過𠵱家好開心，一來工作已經係我生活嘅一部份，二來又可以見嚇大家嘛！」阿Yu透露大女經常問她幾時放假，所以她計劃與兩個囡囡去玩，阿Yu說：「我仲未幫個細女攞旅遊證件，佢哋又淨係想去睇迪士尼卡通人物，或者先喺香港同佢哋玩嚇先啦！」見阿Yu的身形比之前豐滿，她笑說：「我未磅過重咗幾多，但係條裙比之前緊咗啲！」
後來，又問到吳啟華離婚一事，阿Yu說：「我係局外人，唔方便講太多，希望佢快啲適應新嘅生活，好好照顧囡囡！」楊思琦亦說：「我都有留意呢件事，我哋以前合作過好多次，但係唔係好熟，況且我都係局外人，唔方便講太多！」稍後楊思琦將會到內地工作，幸好囡囡開始長大亦不會太黐身，所以不太抗拒拍內地劇。
楊思琦昨表示稍後會到內地工作，幸好囡囡長大，不會太黐身。
徐淑敏坦言與大她12年的老公沒有代溝問題。
張慧儀與養子Hanson感情要好，去年還帶他返港生活。
Suki同老公冇代溝
早前誕下三女的Suki，透露囡囡已經三個月大，大女很有大家姐風範，提到吳啟華離婚，Suki稱兩人私下不熟。與丈夫黃浩相差12年的Suki，被問到代溝一事，她說：「我哋冇乜代溝，可能佢用返接近我嘅language溝通，我亦都不斷成長，拉近番大家啲距離，我平時都會等埋佢返屋企先瞓，又會傾嚇日常生活啲嘢！」
採訪、攝影：馬建華
from:
http://hk.apple.nextmedia ... 141031/18918185
