鄭欣宜簽約扮企鵝心妍錫錫

1^# 大中小 young 發表於 2014-10-27 14:27 發短消息

相關主題: 鄭欣宜

鄭欣宜噚日喺海洋公園搞咗個記者會，宣佈佢加盟星娛樂唱片公司，師姐關心妍仲神秘現身，力撐師妹！聽到師姐話大家係一家人，乜嘢情況都會保護，欣宜即刻好感動，喺台上兩個人仲即刻眼濕濕咁錫錫同抱抱㖭！不過欣宜見到啲鬼就鬼咁驚青，拎住張紙巾遮住塊面，仲話自己唔會拍驚慄片！

欣宜前排去咗海洋公園探企鵝，似乎佢都幾受企鵝歡迎！

開騷等陣先

入咗行6年嘅欣宜話希望可以做番自己，令更多觀眾鍾意同接受，佢仲話：「之前我好乖，公司叫我做乜就做乜，但係𠵱家要做番一個真實嘅我！」近期欣宜嘅身形都圓潤咗好多，但係佢話：「公司完全冇叫我減肥，我領略到無論點都唔會瘦得過人哋、靚得過人哋，但係做自己冇人會比我叻！」酬勞方面，欣宜話係一個開心嘅合作，不過講到幾時開演唱會，佢就話：「我唔敢同公司提出，出嚇歌先喇！」

欣宜喺台上仲扮企鵝，原來佢前排去咗海洋公園做義工，仲話個地方對佢好有回憶，佢話：「以前細個有同媽咪嚟，嗰陣我好大膽，好想試嚇玩過山車，但係唔夠高，就算喊曬媽咪都冇辦法！」

撰文：馮仁昭
from:http://hk.apple.nextmedia ... 141022/18907670

廷伸閱讀/相關主題推介:

相關主題:鄭欣宜

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-10-30 22:08 發短消息

欣宜打邊爐抗生素加料

欣宜因為喉痛仍食火鍋引致失聲。

鄭欣宜、陳玉蓮及周啟生等，昨日在銅鑼灣出席「復康力量傷健共融日」活動，聲音沙啞的欣宜說：「我失咗聲，原本前兩日喉嚨痛，睇完醫生食緊抗生素，突然有個好耐冇見嘅朋友約我打邊爐，因為唔好意思推，打完邊爐之後，情況就惡化咗，食完抗生素，個人呆呆哋。」男友有否加以照顧？欣宜說：「自己照顧自己，我大個女喇！」

周啟生表示並冇與姪兒周永恒聯絡，但仍關心他的近況，他說：「希望佢冇事，我有透過大仔同阿Yu（趙頌茹）聯絡，我都關心佢。」此外，他透露與跳樓輕生的陳杏妍認識，印象中的她是一位開心、嬌嗲和風騷的女子，對事件感到難過。

採訪、攝影：黃曉妍
from:http://hk.apple.nextmedia ... 141027/18913459

TOP

3^# 大中小 young 發表於 2014-11-7 13:26 發短消息

欣宜光明磊落唔驚藍剔

近日手機應用程式WhatsApp更新，將已閱訊息變成「藍剔」，有冇睇到訊息即刻清楚晒，鄭欣宜噚日到新城宣傳，佢話：「我份人好直接，唔怕人哋知道我幾時睇到訊息，光明正大，有鬼祟嘢就話驚箒。」另外欣宜早前喺內地參加節目《我不是明星》，粉絲人數飆升，有機會開拓內地巿場，但個人言行要變得好小心，欣宜話：「內地比較敏感宗教同政治，我都唔鍾意講呢啲，有時自己有自己諗法，但唔需要公開講。」

撰文：馮仁昭
from:http://hk.apple.nextmedia ... 141107/18926087

TOP

4^# 大中小 young 發表於 2015-3-7 00:15 發短消息

欣宜踎低揀化妝品

日前欣宜單拖睇化妝品，揀得興起，仲踎低（下圖）慢慢揀㖭。

【洛克道】講到明做番自己唔減肥嘅鄭欣宜，睇見佢嘅生活真係開心咗好多，同男友愛得癡纏，得閒又約啲朋友行街睇嘢，過番正常人嘅生活！

日前欣宜仲單拖喺銅鑼灣洛克道睇化妝品，主攻指甲油同眉筆，雖然佢揀嗰啲都唔係大牌子，但係佢都好細心咁研究吓啲成份，揀得興起，仲踎喺度慢慢揀，跟住佢睇埋啲化妝用具，好似眉鉗、化妝棉等等，雖然嗰日條街人來人往，但係佢都冇理身邊有冇人指指點點，好專心咁睇嘢！

採訪、攝影：李志明、畢紹基
from:http://hk.apple.nextmedia ... 150305/19063540

TOP