宅男女神周秀娜與陳偉成分手後，感情生活一直未有着落，昨日她在活動上自爆旅行有艷遇，玩衝浪遇靚仔教練，衝出異地戀，還攬實返酒店。
周秀娜大讚峇里景色怡人，重點原來是遇到靚仔教練教衝浪。
韓國型男宋承憲、台灣樂壇天后蔡依林、宅男女神周秀娜（Chrissie）、歌手吳雨霏等前晚出席Versace香港旗艦店開幕派對，Chrissie到場時，一臉風騷，透露早前到峇里旅行，更自爆有艷遇：「我係陪朋友去，朋友失戀，我陪佢去療傷，乘機放吓假。」被問到是否有艷遇時，她開心說：「幾開心，諗住去衝浪衝走啲唔開心，點知衝咗啲嘢埋身。個教練好好人，佢仲揸電單車車我返酒店。（你咪攬實佢？）都係，我哋有注意路道安全，佢手車好好。」
下次再去會搵番佢
Chrissie又大讚對方靚仔，問到有否上她房，她說：「我哋喺酒店飲咗杯嘢囉，大家朋友啫，出去識多啲朋友冇所謂。（有冇交換電話？）佢有問我會唔會再去，我幾鍾意衝浪，下次再去會搵番佢，搵個相熟嘅嘛。」Chrissie沒有透露回港後又冇再聯絡，但就表明不介意異地戀：「最重要係鍾意，邊度都冇所謂，佢係當地人。」
宋承憲做出心形手勢，十分親民。
蔡依林勁歌熱舞，掀起當晚高潮。
吳雨霏以一身性感型格打扮亮相。
蔡依林唔去舊愛婚禮
而宋承憲繼續大展親民作風，甫到場在布景板前拍照時不停跟記者揮手，又應要求用雙手做出心形手勢，魅力沒法擋。
而蔡依林擔任表演嘉賓，即時載歌載舞。她透露新專輯《吥》快將推出，拍了六首歌的MV，拍攝成本逾過千萬元（台幣），她說：「應花則花，每一分錢都花得好值得。這次的造型好特別，新碟內容講人生劇場，我會扮演好多角色。（你的人生劇場何時改變？）我每日都在改變，會面對不同挑戰。（甚麼時候做別人太太？）沒有這個計劃，隨緣。」問到可會出席舊愛周杰倫的婚禮？她想了想笑說：「不太方便吧！」
文：名人組
From:
http://orientaldaily.on.c ... /00282_070.html
