鍾嘉欣曬主權，高調撐伍允龍

無線花旦鍾嘉欣與伍允龍大玩地下情七年，前晚終高調現身撐「男友」擔正的電影首映禮，又「世紀同台」大方合照！雖然兩人仍口硬未有承認戀人關係，但在台上不時甜笑互望「蜜蜜斟」，又揚言不排除情侶檔拍殭屍片。

鍾嘉欣高調撐伍允龍的新片首映，兩人的地下戀亦告浮面。

鍾嘉欣秘戀伍允龍多年，一直被指不肯公開承認拍拖，直至月前《好報》直擊二人親密拍拖斷正，有圖有真相！終於促使嘉欣BB確定男友身份，趁阿龍擔正做男主角，前晚以女主人姿勢現身活動，送上自己這份厚禮予以打氣。

大方合照掀高潮
前晚阿龍、監製王晶、關楚耀、陳靜師妹羅子喬（Bella）和「晶女郎」胡然等出席《天師鬥殭屍》首映禮，另一男主角鄭中基因病缺席，反而谷胸捧場的莊思敏及唐紫睿更為性感！期間嘉欣BB突然殺到，猶如女主人般搶盡鏡頭，兩口子還應邀大方合照，殭屍也識做彈開，在場數十傳媒頓時起鬨，兩人表現不算尷尬，卻不避忌互望「蜜」斟。當晶哥送上一道「哪叱動作必殺符」給阿龍時，大會司儀笑說：「鎮住鍾嘉欣嘅符？」晶哥即將他們的緋聞擺上台，打趣道：「鍾嘉欣梗係必殺啦！」令在旁的阿龍尷尬傻笑。

嘉欣BB與伍允龍合照完，即尷尬彈開。

莊思敏（右）及唐紫睿齊齊拋胸，令現場升溫。

緣到合拍殭屍片
嘉欣BB直認是阿龍請她到場，今次亦是六年來首次睇首映，認真畀面「男友」，她說：「阿龍請我嚟嘅，啱啱拍完劇多咗時間，呢行好靠關係，不嬲都係你撐我我撐你。（同台合照尷尬？）冇冇冇！（感情浮面？）唔關事，只係好簡單今日得閒，有朋友請我睇戲咪嚟囉。（今日公開戀情？）睇戲啫！有另一個朋友一齊嚟睇，香港好耐冇拍殭屍片，以前細個睇好多，好好睇。」笑問兩人會否一齊坐？驚的話挨落阿龍度？嘉欣BB說：「我驚起上嚟會瞇埋眼、縮埋一舊。（縮落佢度？）唔會，一陣應該同女性朋友坐。」又說想扮演西式吸血殭屍，不排斥與阿龍合作，一切睇緣分：「想唔代表會有，不嬲拍戲睇時機。」若然有人搵先要經公司、角色適合及有挑戰都會考慮，但未有人找她。

擔任動作指導的阿龍首次與偶像元彪合作，夢想成真有點緊張：「以前佢有介紹我拍戲，同佢合作有壓力，但我知佢做到嘅，佢係好好打嘅演員。（今次有搞笑戲？）冇難度，我平時都好搞笑！」

文：影視組
from:http://orientaldaily.on.cc/cnt/e ...1016/00282_001.html

伍允龍主演的電影《天師鬥殭屍》和《屍城》同時上映，前晚《天師鬥殭屍》在圓方舉行首映禮，在這低迷電影市道下，伍允龍竟然有兩部電影上映，他為隆重其事特別邀請了女友鍾嘉欣去到撐場，加上另一男角鄭中基缺席，伍允龍鍾嘉欣頓成焦點。

「阿龍請我嚟」

記者邀請嘉欣跟伍允龍合照，二人尷尬走到台上，台下的賓客即刻起哄大叫，氣氛猶如婚禮現場。問嘉欣是否專程捧男友伍允龍，她仍然死口不認，故作神秘說伍允龍是朋友，她說：「因為有朋友請我睇戲，所以今日嚟。」

記者窮追問朋友是否指伍允龍，嘉欣避無可避，惟有正面回答：「係阿龍請我嚟，最近拍完劇多啲時間，知道呢行好靠關係，都係你撐我、我撐你。」

嘉欣和伍允龍在公開場合世紀合照，嘉欣邊否認邊尷尬，問到出面力挺男友，感情是時候浮面？她即扯開話題說：「好多年冇睇首映，初入行成日睇首映，六年冇睇。香港有好耐冇拍殭屍片，以前成日拍，仲好hit，細細個都睇好多殭屍片。」

關楚耀（左）和羅子喬（右）在新戲入面又錫又咬，好肉緊。

電影《天師鬥殭屍》前晚在圓方舉行首映。

指導元彪緊張

相對地，伍允龍就大方得多，直認邀請嘉欣撐場。他透露今次在戲中做搞笑角色，還擔任武指：「要指導元彪，好緊張，有夢想成真嘅感覺。」問到新戲自己打自己，他說：「一個人可以睇好多套戲。」

採訪：溫敏芝
攝影：陳志嵐
From:http://hk.apple.nextmedia ... 141016/18901166

無綫花旦鍾嘉欣一直予人乖巧斯文形象，獲網友喜愛封為「嘉欣BB」，但現年30歲的嘉欣決定豁出去，在無綫台慶劇《飛虎II》中轉演躁狂硬淨女警，前晚她出席首映時自封「癲雞」，並說拍攝期間未能抽離角色，不時「失控」目露兇光眼凸凸，又曾因拍動作戲受傷入院，為擊敗最大對手佘詩曼首奪視后可謂搏晒命！

鍾嘉欣前晚出席首映，她說拍《飛虎Ⅱ》時很難抽離角色。

鍾嘉欣入行後備受力捧，但一直與視后寶座擦身而過，2011年及2012年分別憑《點解阿Sir係阿Sir》及《護花危情》列入視后熱門，去年她擔正劇集《巨輪》，又被同劇的田蕊妮殺出贏得視后，始終未能開齋！屢敗屢戰的嘉欣未有灰心，最近先後有劇集《大藥坊》及今晚播出的無綫台慶劇《飛虎II》推出，兩劇角色極端，實行演技大爆發！

情緒大起大落
前晚嘉欣身穿連身裙，聯同馬德鐘、羅仲謙、梁烈維、袁偉豪、苟芸慧及翟威廉等出席《飛虎II》在九龍灣舉行的首映，今次首映在戲院大銀幕播放，可見無綫對此劇相當重視，一眾演員手持飛虎隊用的槍射向螢幕作為首播儀式，氣勢十足。

怒睥
鍾嘉欣在《飛虎II》演有躁狂症的探員，不時露出兇神惡煞表情，亦有不少動作場面。

起火

嘉欣在《飛虎II》中放下清純形象，演曾做臥底、有躁狂症的刑事情報科（CIB）探員，情緒大起大落，不時露出兇神惡煞表情，凌厲眼神令人心寒，她更親身上陣挑戰多場動作場面。

搏鬥

佘詩曼已憑《使徒行者》在新加坡封視后。

嘉欣表示對劇集充滿期待，繼之前自封「鍾男欣」之後，前晚更以「癲雞」形容自己：「今次終於打破嘉欣BB嘅形象，真係幾癲雞，係我入行最激一次。演出嗰陣我個腦成日諗埋啲變態嘢，畀人誤會係咪性格變晒，嗰段時間我好躁，唔出聲，人哋嗌我又唔應，搞到啲同事會話：『嘉欣係咪寸咗呀？』拍嗰排仲不時眼凸凸，似足喺劇中角色，抽離唔到，要隔幾個月先平復到心情。所以希望多啲人睇，睇觀眾接唔接受到我另一種形象。」她表示曾拍動作場面時受傷，其中一場貨櫃場爆破戲，馬德鐘抱起嘉欣不慎跌倒，結果嘉欣墮地翻滾了幾個圈，要入院治理。問為何男友伍允龍前晚沒現身撐場？嘉欣只笑笑口說：「呢啲低調處理。」

釘姐氣勢強勁
嘉欣演出搏命，但要奪得視后，仍要過氣勢強勁的佘詩曼這一關，早前阿佘已憑《使徒行者》「釘姐」一角在新加坡封視后，就連另外兩位視后熱門徐子珊及楊怡亦俯首稱臣。子珊直言睇好阿佘封后：「我同佢都唔同Level，佢係前前前前輩！」楊怡則表示冇打算爭獎。且看《飛虎II》播出後，嘉欣能否圓視后夢。

文：影視組
from:http://orientaldaily.on.c ... /00282_001.html

鍾嘉欣與武打演員伍允龍拍拖多年，日前伍允龍更獲嘉欣高調證男友地位，雖然嘉欣演的無綫台慶劇《飛虎II》前晚首映，伍允龍沒現身，但他仍十分支持女友在該劇的破格演出和憑此劇爭視后。

伍允龍與鍾嘉欣會互相欣賞對方的作品。

伍允龍昨日接受訪問時表示，他與嘉欣一向都會欣賞對方的作品，今次亦不例外：「今次我會特別渴望睇《飛虎II》，因為知道同佢（鍾嘉欣）以往拍嘅劇好唔同，好多動作演出，我會特別留意呢啲動作場面。」
from:http://orientaldaily.on.c ... /00282_004.html