英皇電影藝人陳家樂及冼色麗等昨日亮相尖沙咀品牌活動，期間家樂尷尬大爆電影劇組趁他沖涼時以「突擊」拍片方式替他慶生，更被女同事拍下全裸片段！
被拍下全裸片段的陳家樂（右），急急腳穿上衫和圍浴巾走出浴室，導演林超賢則捧蛋糕為他慶生。
英皇電影藝人陳家樂、冼色麗、岑紫生、王嘉慧等昨日於尖沙咀，出席美容品牌活動。期間「孖實」同門靚女冼色麗現身的家樂透露今天將出發往上海，拍攝電影《破風》最後一週的戲份。他自爆獲導演林超賢「錫住拍」：「我去到會拍公路賽事戲份。（有陰影？）都有，不過導演畀我分shot拍，唔使一take過。」
受傷慘變大細波
問到早前炒車的傷勢如何？陳家樂搞笑自爆胸部「大細邊」：「我做gym只能操一邊同對腳。（大細邊？）我直頭大細波！我喺屋企除衫，都畀媽咪投訴我『一大一細』，不過健身教練話我操多啲就追得番！」
陳家樂表示受傷後做gym只能操一邊身，搞到大細胸。
陳家樂（右二）與一眾男女同事合照。
談到家樂日前度過28歲生日，他搞笑自爆被電影劇組女同事衝入浴室，拍下其全裸短片慶生。而導演林超賢則捧著蛋糕於門外等候，令家樂「急急腳」套上上衣及圍上浴巾，其後開門向眾人道謝，場面爆笑又溫馨！
遺失行李嬲到爆
家樂直言生日又驚又喜：「我因為要拍戲，所以第一次喺銀川沙漠過生日。點知唔見咗行李，好嬲！（航空公司）打極電話都唔聽，好彩最後攞得番行李。而且我今次生日好尷尬，沖緊涼時有女同事跑入嚟拍片慶生。（畀人睇全相？）係呀，依家有段（全裸）片喺林超賢導演手上。（點樣贖番段片？）我惟有拍好啲套戲，希望唔好出現喺製作花絮啦。」
文：影視組
From:
http://orientaldaily.on.c ... /00282_012.html
