正所謂情場失意事業得意，模特兒鍾采羲（Iris）近期甩拖，受情傷暴瘦的她卻因禍得福，重獲「S」身形迎接新戲上映！Iris於戲中穿越時空戀上機師，現實中她亦與機師拍拖：「現實感情同戲內嘅感情差唔多，都係摑一巴就分手。」
剛與機師甩拖的Iris指，分手時與戲中一樣，都是怒摑對方一巴。
模特兒鍾采羲無見大半年，身形纖瘦不少，上圍依舊驕人，問到其瘦身秘方，Iris笑言與感情及工作有關：「年頭拍嘅戲近期上畫，係最大原因，加上最近回復單身，瘦咗咁多都有一半關事。」
身形纖瘦不少的Iris上圍沒縮減。
在新戲演古代女子的Iris透露，在戲中會與現代機師有段穿越時空的感情，她說：「套戲係講穿越時空，收到劇本後覺得好有趣，我覺得應該去體會吓航空界嘅人係點，所以搵咗個機師感受吓。點知現實感情同戲內嘅感情差唔多，都係摑一巴就分手，幾脗合。」
愛情寧缺勿濫
受情傷的Iris已漸漸康復，她表示現時會專注事業，但不會放棄愛情：「以前對感情、結婚都幾有憧憬，依家工作為先，不過相信喺適當時候會有適當嘅人出現。」Iris續說：「以前一覺得悶就想拍拖搵人陪，但依家就係唔開心、寂寞，會先搵屋企人、朋友陪自己，唔會亂咁搵個唔熟嘅人拍拖。」
回想在橫店拍攝的日子，最怕凍的Iris笑言自己度過辛苦的一個月：「啲戲服好單薄，而且好多時夜晚都要等好耐。當時就想時間快啲過，但都覺得係好好嘅經驗，令我今年年頭有個好特別嘅開始。」
恨演邊緣少女
曾反叛過的Iris希望下套戲可演邊緣少女：「細個好貪玩、反叛，鍾意做啲屋企人唔認同嘅嘢，依家諗番覺得當時唔理人感受。如果我將以前嘅感覺同體會融入個角色，相信會發揮得幾好。」
文：專案組
攝：嚴偉國
場地：Okapi Restaurant
From:
http://orientaldaily.on.c ... /00282_043.html
