出身少林寺的王寶強（右），為了演出《一個人的武林》而練到一身肌肉。劇照
陳德森說《一個人的武林》中有一個驚喜，就是王寶強。王寶強以喜劇見稱，但大家可能不知道，他是少林寺出身，為了此片更練到一身肌肉，陳德森說：「十年前馮小剛請我睇《天下無賊》，介紹佢畀我識，我同寶強講，聽馮小剛講你拍動作片好叻，寶強話係呀，我少林寺出嚟，仲即刻表演畀我睇，一字馬跳起，分腿落地，我幾驚佢重要部位飛爆呀。」之後就找了寶強演出《一》片，扮演一個精神分裂嘅變態殺手，又是一個功夫癡，陳德森大讚他文戲及動作戲俱備。
陳德森表示原本想將王寶強操到好像張家輝般健碩，但因他有其他電影要拍，結果寶強要求導演給他35日，操到一身健碩肌肉來配合角色，他說：「我都同寶強講，今次我哋得唔得，佢可唔可成功轉型，都係靠今次。」
from:
http://hk.apple.nextmedia ... 141101/18919431
