神級影帝周潤發與張家輝前日在港拍攝王晶新片，家輝自爆當年曾到《喋血雙雄》拍攝現場，被發哥的氣場懾服而腳仔軟！難得今次有機會合作，家輝即向發哥挑機，希望兩人可再度拍住上，揸槍拍英雄片！
發哥在場時總充滿歡樂，皆因與發嫂經常「萬歲」，前日發嫂與樂仔又掏腰包「萬歲」。
巨星周潤發前日與影帝張家輝到元朗嘉龍片場拍攝由劉偉強監製、王晶執導的賀歲片《賭城風雲2》，同場尚有余文樂、文凱玲（Connie）及內地女星童菲等。前日劇情講述飾演國際刑警的Connie和樂仔，護送由泰國返港的家輝到發哥的豪宅。拍攝期間，發嫂與樂仔掏腰包請台前幕後食糖水及漢堡包，氣氛熱鬧。
發哥讚星爺好相處
發哥與家輝雖是首度合作，但表現老友，發哥笑言跟家輝對戲是賞心樂事：「可以同『張七帝』（張家輝）學嘢，叨吓佢啲旺氣。」家輝聞言即自爆當年被發哥「嚇到腳軟」：「佢成日講呢啲笑，我見到佢都神魂顛倒！啱啱入行時我跟修哥（李修賢）探《喋血雙雄》班，一見到發哥我就腳軟，今次同佢拍戲係個好好機會，發哥鏡頭前後都好照顧大家。」問到會否想跟發哥拍動作片？家輝即high爆說：「想呀！再拍《喋血雙雄》！發哥揸槍嘅魅力有邊個忘記得到？」
余文樂及文凱玲在場內把握機會跟前輩學嘢。
張家輝
發哥表示今集拍得比上集更過癮，並透露已在泰國跟劉嘉玲拍咀嘴戲，他笑說：「發嫂都在場，但我哋唔會尷尬，都係專業演員。」提到周星馳再被批評品格，曾與星爺在無綫合作拍劇的發哥說：「我哋冇喺電影合作過，但我好鍾意佢嘅電影，覺得佢好有才華。佢哋之間發生咩事就唔清楚，後期性格變成點我唔知，不過訓練班時大家嘻嘻哈哈，為人都好相處。」
童菲（左）與文凱玲是片中的「清涼角色」。
以500萬元搭建的豪宅氣勢十足。
兩女爭樂仔享艷福
樂仔則笑言多得晶哥令他「艷福不淺」，周旋於Connie及童菲之間，但就沒有叫晶哥加親熱戲。Connie戲內慘被「蠱惑樓梯」跣倒，獲樂仔攬腰救美，問到與發哥合作的感覺，她說：「好nice又親切，自拍角度影得好靚。（今次要性感？）唔使，晶哥想我試吓喜劇路線。」另外，今集發哥的大宅以Cyber感為主，並充滿機關，裝修豪華樓底甚高，晶哥透露豪擲500萬元，用了一個月時間搭景。
文：影視組
From:
http://orientaldaily.on.c ... /00282_012.html
