女星Angelababy一向是品牌寵兒，日前忙裡偷閒，遠赴紐約欣賞時裝預展，更獲品牌高層與設計師全程陪伴左右作私人導覽，如此派頭，遠勝同場的韓模姜承賢、姜素英及內地女星韓丹彤。
Baby暫時放下拍攝工作，現身紐約睇時裝騷，心情大靚。
【陳嘉敏紐約直擊】Angelababy於紐約時間4日出席當地舉行的Coach 2015 SS presentation，Baby以品牌全新秋冬時裝示人，同場的嘉賓還有韓模姜承賢及姜素英、內地女星韓丹彤等，但Baby深受寵愛，除獲超級VIP待遇，她毋須與其他嘉賓一同逼住睇時裝騷，被安排作私人導覽，全程獲品牌設計師Stuart Vevers貼身招呼及介紹新品，現場Baby被半百中外傳媒包圍，場面墟冚。Baby透露正忙於在北京拍攝電影《鬼吹燈之尋龍訣》，趁空檔到紐約睇騷，她說：「我今次只係留兩日，每次去fashion week都係為工作，冇時間玩。」
睇RM笑到趴地
對於有傳她參與韓國人氣綜藝節目《Running Man》（RM）內地版，她故作神秘地說：「仲未講得，等通知。」她自稱是RM的粉絲，尤其喜歡主持人劉在石，她說：「覺得佢好搞笑，佢哋做得好成功。（佢哋玩得好癲，你接唔接受到？）我睇RM，係因為我鍾意Big Bang，我睇嘅時候第一個想法係我都想去玩，個節目真係又感動又好笑，笑到趴喺地。」
Baby獲品牌設計師Stuart Vevers（右）貼身招呼。
韓丹彤
黃曉明陪置裝
談到不少荷里活星因icloud被黑客入侵而令艷照曝光，Baby表示有所聽聞：「我冇用icloud，因為我擔心唔安全。」另外，有網友發現黃曉明陪住Baby揀衫為出席時裝周作準備，有如此廿四孝男友，認真sweet爆。
姜承賢、姜素英
黃曉明做廿四孝男友，陪Baby為出席時裝周揀衫。
文：名人組
From:
http://orientaldaily.on.c ... /00282_072.html
