人妻楊千嬅與老公恩愛出席慈善晚會，二人更出錢出力支持，提到周永恒家暴一事，她表示不能接受玩3P，更直言對方要反省及負責任。同場的謝安琪就自爆自己經常「變面」保持新鮮感箍老公，仲不時叫老公得閒就追自己！
謝安琪笑言要時惡時溫馴，才可以給老公新鮮感。
每年一度的《愛心滿東華慈善晚會》於前晚假洲際酒店隆重舉行，而楊千嬅就一身性感透視look與老公丁子高以捐款人身份到場，大會更邀請到歌手謝安琪（Kay）、連詩雅（Shiga）、林奕匡、藍奕邦及黃浩琳為大會擔任嘉賓。
入行前做護士的千嬅就表示醫療對每個人都好重要，所以就特意跟老公出錢支持，問到他們捐了多少善款時，她即說：「呢啲唔好拎出嚟講啦！」其後千嬅透露自己最近都是忙於照顧囝囝，不過將於下星期與林海峰拍文藝片，更大讚對方有才華：「佢好專業，即刻睇到就做到出嚟！」她坦言今次拍住林海峰演夫婦感到有壓力，因為對方非常認真，千嬅笑言劇組等自己開戲謂：「套新戲其實應該早幾年開拍，但我又咁啱大咗肚，所以之前未開到住！」
近日忙於照顧囝囝的千嬅與丁子高為慈善出錢出力。
連詩雅悉心打扮出席善慈晚會。
同趙頌茹冇聯絡
另外，提到有關周永恒家暴一事，千嬅覺得身為外人都不應批評此事，但覺得應該要向小朋友解釋：「雖然小朋友好細個，但唔好以為佢哋咩都唔知，同埋一定要保護佢哋！」問到自己是否接受到老公玩3P時，千嬅笑言：「如果揀老公嗰時佢有呢個想法，我諗佢都唔會同到我一齊啦！」更覺得周永恒今次可以借機會反省一下。
其後問到同場的Kay有否遇過家暴時，Kay搞笑話屋企有「家寶」：「好感恩同家人溝通好，老爺奶奶都好體諒我哋，但作為外人就唔想多講。」她坦言剛出道時公司請了趙頌茹做造型師，但沒有跟對方聯絡。問到老公張繼聰有否要求玩3P時，Kay即大笑說：「講啲咁嘅嘢？我成日變臉去保持新鮮感，有時好惡又會好溫馴，我仲叫佢得閒就追多我一次！」
文：音樂組
From:
http://orientaldaily.on.c ... /00282_022.html
