唐詩詠咀洪永城留力

1^# 大中小 young 發表於 2014-8-27 22:00 發短消息

黎耀祥、蘇玉華及唐詩詠等昨於油塘宣傳無線新劇《載得有情人》，微露事業線的詩詠談到日前該劇播出她與洪永城的激吻戲，她自爆太緊張而不滿意表現：「冇理由佢仲表現得放過我，唔忿氣！」她又自爆中秋冇人約賞月，故期待浪漫驚喜。

唐詩詠與洪永城的咀戲日前播出。

而日前接受冰桶挑戰的祥仔點名要阿蘇接力，阿蘇稱會於家中天台「找數」：「有四個朋友點我名，我想一鋪過找數。（淋四桶？）冇呢條例，但做善事都開心！」九月將到上海拍劇集《梟雄》的祥仔與阿蘇都會留港過中秋。問揚言收視40點就結婚的阿蘇是否揀好婚紗？她笑稱要先催親友開電視谷收視。曾答應包酒席的祥仔又加碼催婚：「我包多一圍，你係結先好！」

祥仔搞笑催阿蘇結婚。

李佳芯（左）和陳庭欣都有幫手宣傳。
from:http://orientaldaily.on.c ... /00282_010.html

廷伸閱讀/相關主題推介:

相關主題:唐詩詠洪永城詩詠

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2014-8-30 20:44 發短消息

洪永城辣慶唐詩詠，慘遭孤立

藝人唐詩詠及洪永城於無綫新劇中分別飾演o靚模及宅男，更有激咀戲。當中「被迫」怕醜的永城大呻於拍攝期間被孤立，而詩詠則自爆若遇上浪漫下廚男就即嫁！

洪永城與唐詩詠新劇玩一夜情。

藝人唐詩詠及洪永城（Tony）於無綫新劇《載得有情人》中分別飾演「超齡o靚模」及「怕醜宅男」。詩詠大爆在劇中兩極化的他們因一夜情而撻着，更要狂熱激咀：「我哋喺劇中參加咗迷幻派對，我cosplay咗佢最鍾意嘅卡通人物，之後就要親密接觸。（尺度如何？）要激烈濕吻，我比較慢熱，要Tony教我點調情，好緊張同尷尬！」

詩詠又笑指Tony拍攝時經常被罰面壁思過，Tony大呻被孤立：「我份人本身好健談，但今次要飾演患人群恐懼症嘅宅男，初頭覺得好難捉摸。而其他人唔想我開工心情過分wild，所以成日唔同我講嘢，又叫我面壁冷靜。拍完啲朋友都話我變得陰沉咗。」

唐詩詠與洪永城有激吻戲。

洪永城自言不夠浪漫。

唐詩詠獨愛下廚男，遇到真命天子即嫁。

期待浪漫「下廚男」

問到劇中有何難忘場口？詩詠自爆被Tony於沙灘彈結他及浪漫獻唱的戲份所感動，但Tony卻自嘲唱歌難聽，他說：「我唱歌天分唔高，用幾星期練同一首歌，投入晒感情去唱，但都係唱得差！」問到有何浪漫經歷？詩詠笑稱最欣賞「下廚男」：「我初戀男友試過送訂婚戒指同玫瑰畀我，但當時年紀小而拒絕。（後悔？）冇，不過期待下個浪漫男出現！（浪漫定義？）如果將來有啱嘅男士為我下廚，我即刻嫁畀佢！」而Tony則自認不夠浪漫，但稱想搵短髮女友：「我要提升浪漫度。（擇偶條件？）短髮嘅爽朗女仔，最緊要鍾意去旅行！」

文：影視組
From:http://orientaldaily.on.c ... /00282_050.html

TOP

3^# 大中小 young 發表於 2014-9-3 15:54 發短消息

洪永城冧唐詩詠雙方了解中

洪永城、黎耀祥及蘇玉華等前晚出席劇集《載得有情人》飯局，黎耀祥為慶祝收視報捷請客。而洪永城被指與唐詩詠蜜遊赤柱成焦點，他雖然否認戀情，但就坦承雙方了解中，還大讚唐詩詠是好女仔，不諱言當日約了朋友到石澳，由對方充當司機。

洪永城

談到與唐詩詠的關係，洪永城一臉風騷指：「食吓飯先，其實都食過，好casual兩個人（了解到咩？）佢梗係好，外人都覺得好，睇吓有冇機會啦！（有人介紹運動型男仔畀佢！）邊個介紹男仔畀佢？以我所知佢唔特別鍾意運動型。（咁鍾意你呢種型？）要問番佢嘞！」

洪永城、唐詩詠
From:http://orientaldaily.on.c ... /00282_054.html

TOP

4^# 大中小 young 發表於 2014-9-14 19:20 發短消息

洪永城處男古裝做剃工

藝員陳展鵬、洪永城昨日為無綫劇集《張保仔》拜神，開劇前黃浩然因病辭演。頂替他的洪永城獻出「第一次」，除擔任男主角外，亦是首次拍古裝及剃頭演出，直言剃咗一半頭好涼爽！

三度合作的陳展鵬（右）與洪永城，直言合作有默契。

無綫劇集《張保仔》演員陳展鵬、洪永城、陳凱琳、姚子羚、岳華、謝雪心和邵美琪等昨日在將軍澳電視城為劇集進行拜神儀式。原定劇集男主角黃浩然因患上「貝賽特氏症」而辭演，昨日監製梁材遠安排由岳華帶領拜神，希望劇集拍攝順利。

頂替黃浩然演出的洪永城昨日首度開工，坦言臨危受命有點難度，近期「閉關」做功課睇劇本，除第一次拍古裝外，洪永城也是首度剃頭演出，講到連日來先拍陳展鵬的戲份令他日接夜開工十分辛苦，洪永城說：「唔使擔心，我搞掂晒，可以開工。」

監製梁材遠安排由岳華帶領拜神，希望劇集拍攝順利。

陳展鵬拜祭哥哥
陳展鵬原來與洪永城已第三度合作，直言兩人默契好，談到黃浩然的病情？他說：「聽監製講佢仲喺隔離病房，依家可以食番嘢，相信多幾日會好番好多。」而昨日是張國榮生忌，陳展鵬前往拜祭哥哥，他說：「哥哥一路都係我偶像，由開始參加歌唱比賽都係唱佢嘅歌，佢係我嘅啟蒙，一直都好想拜祭佢。」講到有傳無綫裁員，陳展鵬表示未有聽聞，但知道有導演回巢。

陳凱琳在劇中有不少動作戲，又要騎馬又要游水。講到對手由黃浩然換上洪永城，陳凱琳說：「大家都好擔心佢，有啲嘢係整定，希望佢好好休息調理好身體都係好事。」談到無綫裁員，陳凱琳表示不清楚情況，希望同事能盡快找到新工作。此外，企業傳訊部副總監曾醒明昨日回應裁員傳聞則表示：「到呢一刻都未聽聞公司有任何行動。」

文：影視組
From:http://orientaldaily.on.c ... /00282_045.html

TOP