盛品儒偷啜郭奕芯遭女友狠飛

盛品儒「眾所周知」去灣仔面試，順便偷食𡃁模斷正，而佢女友太陽城集團主席周焯華、人稱「洗米華」嘅表妹蔡一鳳，噚日即刻斬纜嗌分手。據蔡一鳳密友透露，佢兩個之前已經分過手，但盛品儒咬住唔放，不過經過今次偷食斷正曝光，復合就應該無望。

心情靚借勢宣傳

仲想話搞生意，大展拳腳嘅盛品儒，噚日被女友狠飛嘅佢，就係facebook轉貼本報連結話：「今次大鍋（鑊）了！不過順便宣傳鐵將縱橫！」噚日致電甩拖後嘅盛生，佢今次真係冇聽電話喇！

最搞笑係天生媾女狂盛品儒前日接受本報訪問之後，若無其事咁拖蔡一鳳去緋聞人妻黎虹讌嘅23週年結婚紀念飯局，人前人後，都狀甚恩愛，點知凌晨過後，暴風雨光速降臨，女友要急急割席，以免影響聲譽。

老闆盛品儒喺灣仔約𡃁模面試。

Ashina（左）有翻版謝安琪之稱。　互聯網圖片
至於盛品儒偷食對象，有讀者報料話係𡃁模組合Super Sexy Hero（SSH）嘅成員郭奕芯Ashina，話佢似𠵱家好熱嘅人妻謝安琪，仲話有對好勁嘅33C胸器，難怪盛品儒飲多兩杯會色心起。
from:http://hk.apple.nextmedia.com/entertainment/art/20140709/18793084

自認「花弗靚仔」的前亞視高層盛品儒，被《東網》踢爆上周五背住女友蔡一鳳（Michelle），深宵於街頭攬啜「嫩口謝安琪」郭奕芯（Ashina），其後他帶女方進入「盛宮」十五分鐘！不過背上小三之名的Ashina，昨日向《東網》哭訴兼高舉三指向天發毒誓拒做小三，揚言只當盛品儒是朋友，又暗寸對方年紀過大零興趣！

Ashina舉起三指向天發毒誓否認做小三。

已有公開有米女友Michelle的盛品儒，女友雖然貴為太陽城集團主席周焯華表妹，背景雄厚，但37歲的他上周五竟背住女友偷食，密會新進o靚模組合Super Sexy Hero（SSH）成員「嫩口謝安琪」郭奕芯（Ashina），《東網》全程直擊二人幕幕「激戰」，有片有真相！

Gathering飲大咗
一向緋聞勁多的盛品儒搭上嫩口o靚模，十足全面回春不能自制，他在街頭不避嫌向Ashina攬錫施展冧功後，最後帶她打的直搗北角「盛宮」，整過出入過程約十五分鐘！未知是否怕女友「詐型」，盛品儒聲稱當晚的gathering是「傾公事」，疑似小三Ashina被《東網》極速起底昨日並接受獨家專訪，聲淚俱下否認做小三，揚言對盛品儒零興趣。

甜蜜撐枱腳

搣面摸下巴

打的轉場

盛品儒與Ashina唱完K後，被女方翹住手孖住走。

High爆除衫

當街攬啜

18歲的Ashina在經理人陪同下受訪，對於被《東網》踢爆與自認「花弗靚仔」的盛品儒街頭攬錫，她眼濕濕的說跟對方相識兩年多，當晚在酒店和卡拉OK「傾公事」，她承認當晚共飲起碼一公升烈酒，故在街頭才這樣失儀，不過她否認介入「盛蔡戀」做小三，她說：「我哋當晚真係傾公事，講完正經嘢咪飲酒玩吓，可能意識放鬆咗。當時大家有醉意，又搵唔到的士，所以先有啲拉扯嘅行為。」

委屈落淚

Ashina說：「我哋飲咗咁大支酒」

大一個Double冇可能
Ashina被問到二人情到濃時當街激咀，會否怕Michelle誤會？她說：「我同佢（指盛品儒）真係朋友。（但當街又攬又錫？）真係冇嘢。（佢係咪追你？）你哋自己問佢啦。（你對佢有冇意思？）絕對冇可能，佢大我一個Double，同埋我一開始係朋友心態。（你識唔識佢女友？）唔識，之前有睇過報道，但我哋之前傾偈，佢冇正面講過有女友。」

期間，她應記者要求高舉三指發毒誓不是小三，對於《東網》直擊盛品儒帶她返北角「盛宮」，飽受委屈的她此時忍不住再喊！

記：我哋跟到你同佢坐的士返屋企？

郭：佢好醉，我純粹送完佢返屋企就走。

記：你喺佢屋企留咗十五分鐘做乜？

郭：咁上落升降機都要，我有入到佢屋企，但送完佢就走。

記：佢有冇叫你唔好走？

郭：有少少擾攘，但我始終都係走咗。

記：佢有冇送你落樓？

郭：冇，佢已經好醉，唔覺佢冇風度，因為我哋係朋友。

記：佢有冇再搵你？

郭：有，都係講吓公事，不過呢啲你問佢啦。

記：你可以發誓你冇做小三？

郭：可以，我唔會係小三（隨即舉起三指發毒誓）。

記：公司有冇向你訓話？

郭：都有叫我唔好飲酒，唔好信錯人。

profile
姓名：郭奕芯（Ashina）

綽號：嫩口謝安琪

年齡：18

三圍：33C、24、33

簡介：中韓混血兒的她內地出生，自幼來港生活，甚有音樂天分，考獲六級鋼琴又對古箏有研究，今年連環出兩本寫真集《SCHOOL GIRL》及《Super Sexy Hero》，挾「嫩口謝安琪」之稱殺入寫真戰。
from:http://orientaldaily.on.c ... /00282_001.html

前亞視執行董事盛品儒被《東網》足本直擊夜撻「嫩口謝安琪」郭奕芯（Ashina），氣得女友蔡一鳳（Michelle）開腔劃清界線，自爆二人早已分手，知衰的盛品儒漏夜在網上揚言：「要箍煲！」可惜Michelle不肯領情，只認再見亦是朋友，箍煲凍過水！

盛品儒想奪回蔡一鳳芳心，看來絕不容易。

自稱集「後生、靚仔、高層」於一身的「花弗」盛品儒，上周被《東網》直擊偷嗒o靚模組合Super Sexy Hero成員「嫩口謝安琪」郭奕芯（Ashina），二人醉攬街頭後，雙雙直搗「盛宮」15分鐘。事件令盛品儒的富貴女友Michelle睇到眼火爆，更自揭早已情逝劃清界線，難怪盛品儒前晚與Michelle分別去睇張智霖個唱時，不時皺起愁眉，擺明無心享樂。至凌晨兩點，終於的起心肝，在Facebook轉載《東網》報道並信誓旦旦宣言：「要箍煲！」

保持朋友關係
盛品儒揚言箍煲，獲不少好友留言力撐，本報昨晚致電他，問是否想箍煲？他直言：「係呀！我依家喺深圳做嘢，唔方便講！」接着急急收線。然而，Michelle昨晚接受電話訪問時，只以「朋友」形容盛品儒：「我暫時覺得同佢保持朋友關係最合適，以後會點，順其自然。我冇所謂，最重要屋企人鍾唔鍾意。」

Ashina在社交網多謝《東方日報》為她澄清。

《東網》全程直擊盛品儒與Ashina當街拖手。

易醉宅男
蔡一鳳指盛品儒酒量差，曾醉到睡在黃柏高大髀上。

Michelle堅稱對盛品儒「偷食」沒不開心，又透露盛品儒曾解畫：「有少少震驚，本來以為佢咁宅男，應該唔係好多女仔鍾意，佢尋日（前日）有同我解釋話醉咗，個女仔先送佢上屋企，我都相信，我覺得如果個女仔唔係鍾意佢，唔會親自送佢返去，飲醉酒去一個男士屋企嘅危險程度，我諗一般女仔都分析到。」

舊愛證酒量差
Michelle又撐盛品儒專一，她指二人拍拖八個月，盛品儒給她一百分安全感，故現時為他講好說話，無非報答其真心：「就算發生呢件事嗰陣，我同佢仲喺一齊，只要佢話冇下文，我會體諒，何況佢依家係朋友，佢可以選擇完全唔解釋，但佢揀咗交代，所以我覺得就算飲醉心情不佳，發洩又好，一個笑話，過咗去就算。」Michelle又引述昔日的甜蜜情史，指盛品儒易醉：「有次去韓國佢醉到唯一一次激到我喊，點知佢第二日竟然唔記得晒！又試過同Paco（黃柏高）飲酒，佢醉到喺『小Paco』上面瞓咗。」
from:http://orientaldaily.on.c ... /00282_001.html

【突然殺出】
一失足成千古恨，盛品儒多得𡃁模郭奕芯（Ashina）給予一個攬錫的機會，斷送了他跟蔡一鳳（Michelle）的姻緣，女方知道男友偷食𡃁模即刻斬纜，盛品儒在事業和愛情方面都失去蔡一鳳的支撐，昨狹路相逢即認錯，還公開愛的宣言求復合。

分手情人盛品儒和蔡一鳳昨日前後腳現身中環四季酒店利嘉閣地產33周年酒會，兩人尷尬合照後，蔡一鳳拒絕接受訪問，盛品儒為女方擋駕，停下來做訪問，不過他有備而來不停認錯：「我哋喺件事之前已經分開咗，係上星期四。嗰日傾完想箍煲，我不勝酒力，全部係我錯，係我責任，好對Michelle唔住，連累到佢，希望呢件事有任何人得益都唔好出嚟宣傳，唔想Michelle再受傷害。」

【尷尬合照】

盛品儒應記者的要求到會場內找剛分手的蔡一鳳合照，現場氣氛相當尷尬。

【急急走開】

𡃁模Ashina前晚否認整容。

Ashina否認整容

盛品儒言下之意，是指𡃁模Ashina佈局博宣傳，他斬釘截鐵說：「我冇講人名，條片俾人拍咗，我唔想講咁多，我唔知做乜，醉咗。睇片佢錫我，我有向後退，但冇講，唔緊要，anyway，全部係我錯。」

一輪認錯之後，盛生發揮小宇宙，向前度公開愛的宣言，語重心長：「Michelle係真真正正我等咗30幾年，就係等呢個人，之前分開咗一直好傷心，如果我盡力去做而復合，呢段感情會更堅固。」其實昨晨盛品儒已經在facebook留言，內容跟上面訪問差不多，大概都是指他酒後亂性，被人設局陷害和希望復合之類的東西。

另外，事件主角一之的𡃁模Ashina被指曾經整容，不過她前晚在尖沙嘴受訪時只承認在鼻和下巴打過Botox。昨日她回應盛指控搏宣傳時說：「佢心知肚明。」

採訪：林嘉慈、何永寧
攝影：陳慧安、何永寧
From:http://hk.apple.nextmedia ... 140711/18795551

盛品儒與o靚模郭奕芯（Ashina）被《東網》足本直擊在街上親熱，事後他揚言要向前女友蔡一鳳（Michelle）箍煲。盛品儒先透過社交網站發表愛的宣言，認定女友是他將來的另一半，再在活動中認錯，謂Michelle是他等了三十多年的人。活動後，兩人被發現前後腳返盛品儒的豪宅。

盛品儒和蔡一鳳分手後，兩人昨日出席同一活動，合照時表現尷尬。

前亞視執行董事盛品儒與o靚模郭奕芯（Ashina）被《東網》足本直擊在街上舉動親暱，被揭與正室女友蔡一鳳（Michelle）事前已經分手。揚言要向Michelle箍煲的盛品儒已展開攻勢，記者發現他的社交網站張貼多張與Michelle的溫馨合照，更在Michelle的照片上寫下「I miss u,Michelle、Miss u」字句，又發表約三百字的「愛的宣言」，大致表示當日受酒精影響才令人「有機可乘」，他說：「事件令我明白一件事，對我來說最重要的不是事業，最重要的我不能失去一個真正關心我、了解我及愛我的Michelle。」他又謂相信「Michelle一定係我將來嘅另一半。」

明寸有人博宣傳
昨日盛品儒與Michelle前後腳出席同一公開活動，盛品儒詳述「出事」情況：「當晚諗住傾完嘢就去箍煲，點知不勝酒力發生咗呢件事。全部都係我錯同我嘅責任，我對唔住Michelle，連累到佢。希望呢件事得益嘅人唔好再出嚟宣傳，唔想Michelle再受傷害。（暗示Ashina抽水？）我冇講個名。片都畀人影咗，我當時酒醉唔知做咗乜，見到錫咗一啖後我有退咗一步。唔緊要，全部係我錯。Michelle係我真真正正等咗三十幾年，就係要等呢個人，分開後我一直好傷心。（事件影響復合？）絕對係，但我會有一連串箍煲行動，相信成功後感情更堅固。（同Ashina冇可能？）冇興趣。（佢嫌你年紀）冇聯絡。」

日前盛品儒與o靚模Ashina在街上表現親密，當眾拖手。

盛品儒昨日與友人到柴灣，仍不忘頻打電話箍煲。

同返盛品儒豪宅
未幾，Michelle到場時被要求與盛品儒合照，她半推半就下尷尬完成。Michelle表示不會受訪，盛品儒立即護駕兼為她開路避開傳媒。活動後，二人以不同座駕到了盛品儒位於北角的豪宅，一小時後盛品儒先行離開往柴灣。記者致電Michelle，她指箍煲行動令她「有啲感動」。（接受對方？）順其自然啦。（上對方寓所做乜？）我去拎番啲嘢，大家暫時做住朋友先，我都要睇屋企人嘅態度，要父母OK我先考慮，佢哋嗰關唔一定過到。暫時冇得氹，今日細佬都有嚟監場，佢都嬲爆。」

盛品儒在facebook放上多張與蔡一鳳的拍拖照，又發表愛的宣言，懇求女友原諒。

文：影視組、追蹤組
From:http://orientaldaily.on.c ... /00282_007.html