歌手草蜢、藝人黃翠如和錢嘉樂等昨日於彩虹一間小學宣傳《快樂聯盟》，翠如被問是否在男友蕭正楠家「自出自入」？她笑笑口說：「唔係，我哋好少見，唔熟！」草蜢則大呻周杰倫未交歌，揚言要在他結婚時踩場追歌！
翠如BB施展校服誘惑，對於被指在男友蕭正楠屋企自出自入，她竟笑謂兩人「唔熟」。
歌手草蜢、藝人黃翠如、錢嘉樂、羅鈞滿等昨日到彩虹一間小學宣傳《快樂聯盟》，與小朋友大玩遊戲又送禮物，以校服示人的翠如表示早前拍《快》時曾做一日學生，更與其他主持人在考試時夾計出貓，她回憶起在小學一年級時也曾出貓，後來被老師發現，也因而知道她家境窮困，更向翠如的父母提出收養翠如帶她去美國，不過遭翠如爸爸拒絕。
對於有報道指翠如將與男友蕭正楠（Edwin）出埠去旅行，翠如笑笑口謂：「連幾時完工都未知！睇吓有冇緣份！（喺佢屋企自出自入？）梗係唔係，我哋好少見，唔熟o架！」對於Edwin謂媽媽希望他攞視帝多過結婚，翠如說：「好事嚟o架！（見家長？）未，太快啦！（見咗你屋企人？）都未，我屋企女多呀，排隊都有排。」
蕭正楠（左）
草蜢、錢嘉樂、黃翠如和羅鈞滿齊齊回味小學生活點滴。
草蜢追周董歌
身穿校服的草蜢笑謂是常犯校規的學生，身為人父的蔡一智說：「啲小朋友似囡囡咁，有親切感！（生多個？）我有心無力啦，夠啦，我收檔啦！」三子拍畢《快》後就要準備新唱片及巡迴演唱會，笑謂正在等周杰倫交歌才可出新碟，記者表示周杰倫要準備明年一月前完成婚事，蔡一智說：「怪唔知得佢唔交歌，原來掛住拍拖！」蔡一傑更謂要逼對方結婚前交歌，不然就直接在他舉行婚禮當天「踩場」追歌。
from:
http://orientaldaily.on.c ... /00282_045.html
