周秀娜學森巴識球星

周秀娜昨日在上水廣場為「紙在森巴狂熱」活動擔任揭幕嘉賓，大會邀請巴西3D紙藝大師Carlos Meira示範紙雕藝術品，娜姐在旁偷師，還跟兩名森巴女郎學習森巴舞步，跟她們大跳森巴舞，低胸露腰的娜姐成功吸睛。

娜姐（左）即場學跳森巴，非常養眼。

眾所周知，英格蘭前國腳李奧費迪南是娜姐老友，娜姐表示曾想過找對方一齊睇波，不過李奧忙於在巴西做足球節目，娜姐說：「今屆幾難買飛，機票都好難買到，佢最好介紹啲球員我識，相信嗰邊啲朋友都好熱情，可以約埋一齊飲嘢。」又表示今屆世界盃會支持英格蘭，但最欣賞的球員是巴西的尼馬。
from:http://hk.apple.nextmedia ... 140606/18746675

周秀娜昨日出席世界盃活動時，輕露兩吋事業線及小蠻腰，與森巴女郎齊跳森巴舞，雖然她的英超球星緋聞男友里奧費迪南（Rio Ferdinand）今屆無份出戰世界盃，但里奧有份講波，她當然會支持英格蘭。

露兩吋事業線的周秀娜，不諱言撐緋聞男友里奧費迪南。

周秀娜（Chrissie）昨日以吊帶低胸露腰裙出席世界盃活動，輕露兩吋事業線及小蠻腰，相當養眼，不過論性感程度遠不及同場兩位火辣森巴女郎，她又即場與兩女郎齊跳森巴舞。問到Chrissie為何不以森巴女郎的性感打扮上陣？她說：「我唔知，嚟到先知我自己都要跳埋，下次吖，下次可以一起森巴舞。啲森巴女郎着得好靚，個羽毛頭飾都唔輕，如果我着要訓練啲體力先，戴咗個頭飾冇人敢埋身，啲羽毛會拂到人。」

無緣親睹世盃
至於可會到巴西睇世界盃？Chrissie說：「有朋友喺嗰邊，有問我去唔去，佢最近生咗小朋友，我都想去探佢，不過安排唔到，套戲8月開拍，同埋要做定啲準備工夫，要健身。套戲因為Chilam（張智霖）好忙所以延遲咗開拍。我會喺香港同朋友一齊睇波，可能嚟我屋企睇，我下廚。」Chrissie四年前與英超球星里奧費迪南於網上認識，兩人其後成為好友還傳出緋聞，去年更一度傳里奧斥資八位數字入股Chrissie有份投資的娛樂公司，問到Chrissie今年世界盃支持哪一隊？她毫不思索說：「我支持我個friend里奧費迪南。（佢今年冇份踢。）佢冇份踢但佢會講波吖嘛，我支持英格蘭或者巴西，主辦國應該會有主場之利，尼馬好犀利。」

里奧費迪南

周秀娜拍住兩位火辣森巴女郎迎世盃。
from:http://orientaldaily.on.c ... /00282_020.html

性感女神周秀娜自從去年初宣布與拍拖多年的陳偉成分手後，一直dry到爆，最近娜姐忽然自爆有人追，但最新一期《好報》發現，索爆娜姐依然冇仔埋身悶到發慌，日前攬同性女友人行街睇戲。

娜姐（左）與女友人邊行邊傾，講唔停。

當日傍晚約7時，穿短裙騷長腿的娜於中環會合一名穿長裙的女友人行去戲院，期間小心地左右張望，似確定沒有人跟蹤，然後急急趕入場，原本以為娜姐故弄玄虛，約女友人掩人耳目，記者守候至散場，仍然只見娜姐和長裙女友，完全未見有異性埋身。睇完戲的娜姐，豪氣地攬住女友人膊頭不停傾，行至扶手電梯她又翹住對方行，冇拖拍卻有女友相伴亦不錯。

娜姐與女友人一齊坐的士離開。
from:http://orientaldaily.on.c ... /00282_006.html

「宅男女神」周秀娜（Chrissie）從前對擇偶有諸多要求，不但要運動型、身高要有一米八、年齡不能相差五年等等。但經歷情傷後，足足單身了一年半的她，笑言如今聽從媽媽的忠告，要找一個大自己十年、能照顧自己齊齊做「低能嘢」的男人當老公。

周秀娜聽從母親的忠告，望找個年長十年的男人照顧自己。

媽咪傳授心得
但即使Avis的外在條件符合Chrissie的要求，他們的情侶關係只維持了六年，最終仍難逃分手的厄運。外間盛傳Avis花心、時常出軌，加上又爆出他與其他o靚模的床照，證據確鑿！但Chrissie當時已澄清分手並非因第三者，只表示二人少時間見面及溝通，加上目標及步伐不一致，才導致分手。經歷這段情後，令Chrissie對感情有新的啟發，她不會再為自己訂下任何擇偶要求，更不計較條件、外形及年齡。

「我媽咪喺我仲未拍拖嗰陣就講，老公一定要大過自己十歲。嗰時我都唔明點解，不過依家我知啦，拍過拖就知道點解要咁講。我鍾意啲成熟啲，可以照顧你、了解你，有多啲人生經驗嘅人。」Chrissie笑言原來母親早已把自己的人生經驗傳授給她，只是她當時太年輕，未能領會箇中真諦。今時今日，她不會對伴侶的年齡、外貌有所規限：「做娛樂圈成日都會遇到好多靚仔，但我唔會特別鍾意，所以對於外形我都冇特別要求。」

Chrissie會送香水給心儀對象來試探對方。

Chrissie今年進軍樂壇，實行勁歌熱舞。

話唔定會閃婚
擇偶方面Chrissie無欲無求，坦言即使拍拖或單身，生活上亦沒有大分別：「之前拍拖我都係成日飛，慣咗咁嘅工作方式，冇乜機會見面，所以同一個人冇乜分別，反而更加專心工作。」或許就是因為這樣，她才能由寂寂無聞的o靚模，躍升為片約不斷的「一姐」。今年，Chrissie更銳意進軍樂壇做歌手，作更多新嘗試做全能藝人，她說：「其實喺年頭已經準備緊，開始咗錄歌，仲會跳埋舞，對我嚟講真係好大挑戰。呢個係我今年畀自己嘅目標，一定要做到。」

陳偉成即使符合Chrissie的擇偶條件，仍難逃分手的命運。

Chrissie的「滴牙膏」寫真照，堪稱經典。

劇情需要的話，Chrissie不介意性感演出。

言語間可以感受到Chrissie對愛情真的毫不着急，不過單身久了，難免會緬懷一下拍拖的美好時光：「如果撞到啱嘅人，都會拍拖o架，因為拍拖真係幾開心。就算一齊做啲低能嘢，好似一齊煮嘢食、去旅行、做啲大家都鍾意嘅事已經好開心。如果嗌交多過甜蜜，我寧願一個人單身啦，不過如果撞到啱嘅人，話唔定會閃婚o架！」

周秀娜（Chrissie）與前男友陳偉成（Avis）分手後，一直未有新戀情，足足單身了一年半的她，坦言不急於拍拖，目前以工作為先的她，只想在工作上得到滿足感，感情一於隨緣。

羅列四大條件
作為女神，身邊當然不乏裙下之臣，但即使追求者不斷，仍未碰上能令她心動的Mr.Right。到底甚麼條件、要用甚麼追求攻勢才能打動女神的心？Chrissie坦言自己年輕時，會訂下許多擇偶條件：「以前覺得伴侶要係運動型、身高要有一米八、有古銅色皮膚、年紀就唔可以大過或者細過我五年。其實當年我好細，如果細過我五年都未成年，所以都冇考慮細過我。」就她所言，其舊愛Avis完全符合她羅列的條件，難怪他當年能奪得Chrissie的芳心。

贈香水試情郎
Chrissie被委任為「SaSa第三屆香水奧斯卡」活動大使，自然對香水甚有研究，她說：「平日我鍾意中性打扮，所以會噴啲女人味重啲、甜啲嘅香水拉番勻。」她更笑言會送香水給心儀對象來試探對方，若對方使用她所贈的香水，即代表「神女有心，襄王亦有夢」，可以作進一步了解。

行性感想搞笑
近年已轉戰影壇的Chrissie，每次演出的角色總離不開性感元素，她會否介意被定型？她說：「我一開始就唔介意，不過我希望大家會見到我有進步，如果大家仍然覺得我同以前一樣，我會唔開心！」接下來Chrissie希望挑戰喜劇或動作片，性感演出嘛……她仍是那句：「劇情需要，都唔會介意大膽演出。」

化妝：Yan Chiu @ ND & Co.

髮型：Daniel Cheng @ Amarone Hair Salon

首飾：King Fook
From:http://orientaldaily.on.c ... /00282_077.html