「你再打我，我就劏開自己！」近年屢傳患躁狂及焦慮症的陳奕迅，自爆小時候疑因情緒波動而萌生自殺念頭，如今事隔多年，加上事業家庭兩得意，難怪陳奕迅提起老婆同囡囡頓變「陳四萬」。
陳奕迅的躁狂本色，在童年時已曾顯露出來。
由前廣播處副處長吳錫輝主持、於now 101台播出的《瑞士skin.BIOTICS呈獻：輝哥的饌賞（貳）》，每集都會請來名人嘉賓到香港特色餐廳「細味」人生。星期六（7/6）播出的一集，請來餐廳老闆鄺文基分享個人「煮意」。
節目亦邀請到「吹神」陳奕迅（Eason）「食住吹」，原來Eason一直是輝哥的小粉絲，更自爆「睇足咁多集」，大讚節目做得好之餘，又多謝nowTV的邀請。提到有指Eason近年患上躁狂症，他不諱言：「懷疑由細到大都有，七歲嘅時候，阿媽拎住雞毛掃追住我嚟打，我衝入廚房攞把菜刀出嚟『行』住自己話：『你再打我，我就劏開自己！』」
吳錫輝與陳奕迅雖是不同年代的人物，不過談天說地出奇地投契。
輝哥、Eason與店主鄺文基從美食之中發掘人生趣意。
陳奕迅即席獻唱，把愛傳揚開去。
愛女一吻賺晒
談到家庭事，Eason就話太太徐濠縈及囡囡陳康堤對自己有莫大影響，當中老婆更經常化身「常哦」，叮囑Eason注意身體健康。講到囡囡，Eason即一副冧樣話：「有次陪佢瞓，佢趁我瞓着錫咗我一啖，真係賺晒！」節目尾聲，Eason更開「金口」宣揚「愛」，獻唱《Ordinary Love》送給所有傳媒工作者。
《瑞士skin.BIOTICS呈獻：輝哥的饌賞（貳）》逢星期六晚10時30分在now101台播出，仲有自選服務畀你隨時重溫節目。
from:
http://orientaldaily.on.c ... /00282_022.html
