泰國發生軍事政變，並於晚上實行宵禁，正於當地取景的電影《泰戀》，劇組上下人心惶惶，除了取消前晚戲份外，昨日的通告亦告取消，結果有份演出的譚耀文、孟瑤等影星也不敢外出，寧願匿酒店hea一日，孟瑤更大解放三點式上陣游水曬太陽。
孟瑤日前在曼谷唐人街取景，市面仍十分平靜。
近日泰國政局不穩，軍方宣布發動軍事政變，本港的外遊警示亦升至紅色，導演葉偉民執導的新片《泰戀》正於當地開工，當宵禁消息確定後，劇組人員相當緊張，不敢輕舉妄動，即晚取消拍攝，部分工作人員為人身安全，夜街也不敢出，整晚（目及）實電視台報道最新情況，最終連昨日的通告亦全部取消。
睇電視追新動向
有份參與《泰》片演出的譚耀文（阿譚）、孟瑤及變性人Poyd昨日偷得浮生半日閒，阿譚接連兩日接受本報訪問，表示於當地僅開工兩天，他說：「真係要睇住個電視最新消息，唔知會唔會cut埋通訊添，自己都緊張，工作以外唔敢出去，今日連日頭戲都取消，成個劇組留喺酒店冇出去，其實拍呢套戲之前一直喺天津開工，所以當呢一日休息，hea 吓囉！」已為人母的孟瑤雖然被困酒店，也相當寫意，她趁機換上三點式到酒店泳池游水曬太陽，又於房內邊聽音樂邊做運動及煲劇，一副度假心情模樣，及後她更把索爆泳衣照上載微博與網友分享。
Poyd難得取消通告休息，不用開工勤刨劇本。
孟瑤偷得浮生半日閒，在酒店游水曬太陽。
孟瑤與譚耀文日前為《泰》片埋位前試戲。
外景隊隨機應變
家在曼谷市的變性人Poyd，昨日透過經理人表示其戲份集中森林及寺廟，由於實行宵禁，外景被迫叫停，但相信能如期完成拍攝，問Poyd可有外出？其經理人說：「冇出街，喺屋企睇劇本，因為之前喺天津拍嘅戲份，電影公司覺得佢表現幾好，加重佢喺泰國嘅戲份，今日趁有時間睇劇本。同埋Poyd喺泰國有私人生意，趁唔使開工去處理。」
譚耀文不敢外出，在酒店休息時玩自拍！
譚耀文提供拍攝電視播出軍人駐守的情況。
導演葉偉民昨日表示泰國市面尚算平靜，但劇組上下共數十人性命在他手裏，故會分外小心：「好似聽日有三個唔同時間嘅通告，到時隨機應變，拍戲以來未試過咁，本來拍八日，依家唔知點，計唔到損失，我哋好多消息都靠當地crew，首要向泰國領事館報告我哋隊crew拍緊戲。」暫時未有打算結束行程提早返港。
from:
http://orientaldaily.on.c ... /00282_010.html
