劇集《女人俱樂部》搵嚟一班久休復出的中女藝人孭飛做賣點，結果班九十後𡃁妹仲搶鏡過主人婆，除了「少女版李若彤」陳嘉寶，飾演「嫩版李麗珍」的王敏奕（Venus）亦同時彈出。
六個《M Club》妹中，據知以Venus家境最清貧。住公屋、十六歲開始搵錢養家，平日要女兼母職，買餸煮飯湊細佬，現實生活苦過劇中由她和李麗珍一同飾演的「朱莉」。
半工讀養家九十後盛產「公主」，但年僅二十二歲的Venus王敏奕，據悉是《M Club》妹中最捱得的灰姑娘。家住柴灣漁灣邨百呎公屋的她，於單親家庭長大，任職保健按摩師的母親，名副其實靠雙手獨力養大Venus三姊弟。環境所迫，Venus身為長女，十六歲便要幫手孭起頭家半工讀，拍電影幫補家計，返到屋企仲要女兼母職，負責湊細佬煮飯洗衫。養家乜都要慳，Venus就連靚衫都唔多件。
「佢有兩個細佬，最細嗰個讀一年班。拍《M Club》嗰陣，班後生早收工會約埋去玩，唯獨Venus成日要趕返屋企煮飯，搞到同志偉個仔曾國祥拍拖都冇時間。所以早排俾人寫佢鍾意蒲、愛集郵，根本唔係嗰回事，相中人係佢班師弟，佢哋一齊拍微電影《曖昧不明關係研究學會》嘅時候影㗎！」知情者說。
買餸煮飯
送完細佬返學，顧住頭家的Venus急急腳去完街市買餸，返漁灣邨公屋煮定飯，等阿媽細佬返嚟有飯食。
Venus有樣有演技，外界大讚她比李麗珍更能演活「朱莉」一角。
管家婆幫手撐住頭家，上週四（五月十五日）無工開的Venus，負責湊七歲的細佬返學。等校車期間，甩曬門牙的細佬全程扭計，要家姐抱抱氹番。而Venus亦熟練地用紙巾攝入細佬背脊索汗，又替他整理校服，舉止行為，似賢母多過似家姐。送走細佬，Venus再殺入街市買餸返屋企，為屋企人準備晚餐。
為頭家捱足六年，靠拍劇成功入屋，但同一時間Venus被傳反骨，起經理人飛腳，改簽導演麥曦茵。據悉，年多前簽約蚊型模特兒公司的Venus，工作量少之又少，收入只有幾千蚊。等錢開飯，Venus為求解約脫苦海，唯有勒住肚皮借錢贖身，至今債務仍未還清。
校車到，唔捨得家姐的細佬要Goodbye kiss。
細佬嗲爆
只得七歲的細佬，等校車期間萌爆，一時扭抱抱，一時四圍跑。見細佬曬到成頭汗，識照顧人的Venus即刻攞紙巾幫佢抹乾。
養家兼還債「間公司年幾以嚟只係幫Venus接過兩、三個job，至於佢可以拍到《烈日當空》、《Diva華麗之後》、《超級經理人》等幾套電影，全靠導演兼老友麥曦茵幫佢安排。Venus要搵錢開飯，所以上年同公司提出解約，當時佢未拍《M Club》，冇知名度，冇諗過公司要求五位數字先肯放生。肉在砧板上，Venus唯有撲水贖身，好在麥曦茵肯借錢俾佢，之後仲幫佢到美國進修演藝半年。Venus只係信麥曦茵，所以搵咗佢做經理人。」知情者爆。
同曾志偉個仔曾國祥拍拖半年，早前被發現二人拍拖食飯。戀情公開後，二人亦大方孖住出席公開活動。
（《蘋果日報》圖片）
《女》劇中，Venus與邦民女陳嘉寶佔戲甚重。
阿媽心痛翌日湊完細佬返學，Venus約埋阿媽食晏，母女沿途拖手搭膊，關係親密。記者上前訪問，王母說Venus為養家捱眼瞓半工讀，令她十分自責。「見佢夜麻麻等埋位，仲攞住本書係咁讀，佢比起同年嘅女仔，為頭家miss咗好多嘢，見到咁，我係好唔開心。」阿媽心痛，在旁的Venus忍唔住眼濕濕：「佢一個養曬我哋，我戥佢辛苦，所以一路想幫輕佢搏命做嘢。」至於愛女同出名花弗的曾國祥拍拖，王母表示，相信女兒的選擇：「佢哋感情事我唔講！佢好知自己想點，信佢選擇。」
上週五，Venus與媽咪搭住膊咁出去食午飯。之後王母回應本刊，大讚個女生性同時，亦因她幫手撐起頭家感心痛。
Venus早前拍《廉政行動》，拍在老戲骨智叔身邊，演技唔輸蝕。
被傳愛蒲及集郵，事後Venus指相中人是她的同門師弟，跟他們合拍微電影時玩合照，卻演變成集郵相。
《M Club》妹起底在過百人中爭贏做六位《M Club》妹，除了Venus家境清貧，陳嘉寶、吳嘉熙同樣要搵錢養家，只有來自廣州的吳燕菁，可以輕鬆賺錢買花戴。
搵錢至上
糖妹黃山怡 26歲 嫩版葉蘊儀
來自小康之家的糖妹，入行前已深明多勞多得道理，一個人打兩份工，唱歌兼幫人化妝，後來組成「糖兄妹」進軍樂壇，則歌、視雙線發展，去年更表示已儲夠八成首期，準備入巿做業主。
屋邨長大
陳嘉寶 24歲 嫩版李若彤
「邦民女」陳嘉寶出身將軍澳寶林邨，由於大她十六年的家姐早已嫁人自組家庭，父母亦已退休，中學時開始做兼職模特兒幫補家計。在樹仁大學畢業後，正式入行做𡃁模養家，隨著拍劇人氣升溫，工作量和薪酬亦同步急升。
賺錢買花戴
吳燕菁 25歲 嫩版江欣燕
跟孖生家姐組成AOA女子組合的吳燕菁，家在廣州，四歲學芭蕾舞，由於家境富裕，入行做歌手純粹賺錢買花戴。
供養父母
吳嘉熙 25歲 嫩版袁潔瑩
來自組合Super Girls的吳嘉熙是家中獨女，讀中六時父母安排她到國內的中山升讀中學，之後在北京師範大學修讀公共關係科。近年父母退休，吳嘉熙亦成為家庭支柱。
演戲至上
賴慰玲 27歲 嫩版張慧儀
《M Club》妹中年紀最大，是演藝學院畢業生，家境中上。一直醉心演戲的她，由殿堂級舞台之後羅冠蘭推薦入無線拍劇。
撰文、
