無線叫座力不復當年，令新劇《女人俱樂部》只能叫好不叫座，至於劇中飾演後生版李若彤的𡃁模陳嘉寶，人氣雖然未能靠公仔箱大幅度調高，但有富二代初戀男友黃頌祈照顧，Anjaylia不過賺錢買花戴。
身為基督徒，Anjaylia講到明同男友唔會有婚前性行為，但原來偷食，另計！
上週六（五月十七日）Anjaylia做完活動，相約手持Chanel袋的青靚白淨男，著情侶T行老銅，兩人沿途卿卿我我，Anjaylia更任由對方摸自己把秀髮，好甜蜜。
情侶T遊街上週六（十七日），Anjaylia出席完品牌活動，孖住松岡李那以及好姊妹Evelyn蔡穎恩，坐保母車離開。Anjaylia在銅鑼灣鵝頸橋街市先行落車，再步行到時代廣場。其間有途人認出她，更手指指話：「拍M Club嗰個女仔喎」、「乜後生版小詩真人咁細粒嘅！」被人評頭品足，Anjaylia刻意低頭篤手機避耳目。在時代廣場呆等五分鐘，一男一女友人終於現身，三人繼而轉往商場大堂，會合另一名手執Chanel袋，跟Anjaylia著住情侶T的白淨男。
早前Anjaylia承認同屋企有七千萬物業的闊少黃頌祈拍拖，早有另一半，但當日四人行去ZARA睇衫，Anjaylia全程傍實白淨男，好痴纏。
睇完衫，轉場到樓上的Pizza Express等位準備開餐。餐廳門外企滿排隊食客，白淨男刻意拉埋Anjaylia企死角位咬耳仔，兩個仲愈企愈埋，後來白淨男乘機幫Anjaylia撥頭髮，女方亦照單全收。晚飯食到十點，離開時友人發現有記者，白淨男馬上英雄救美，掩護Anjaylia撇甩跟蹤。
本月初Anjaylia承認同比自己大八年的富二代教友黃頌祈拍拖，仲話一日未結婚，都唔會發生婚前性行為。
頭貼頭等枱食飯，白淨男愈企愈埋，同Anjaylia一齊睇電話。
撥頭髮白淨男表現細心，發現Anjaylia頭髮亂了，第一時間出手幫對方整理。
身價五級跳有富二代男友照顧，又有白淨男護花，Anjaylia唔只桃花旺，事業亦轉入直路。
雖然被宇宙膠劇《西遊記》拖累《女人俱樂部》收視成績，但勝在贏口碑，尤其劇中飾演少女版李若彤的Anjaylia，做了六年「邦民女」，騷價多年維持在萬五元水平，全靠拍劇入屋成功微調人氣，何只短短一個月內，工作量倍增，騷價亦有顯著上調。
上週六（五月十七日），Anjaylia孖住日模松岡李那和女子組合Super Girls出席牛仔褲品牌Evisu活動，一向走性感路線的松岡，落力露腰騷腿，七萬酬勞袋袋平安，而首度曬小蠻腰的Anjaylia，勝在罕有，加上有劇出街，騷價同松岡睇齊，比起昔日薪酬，五級跳。「套劇出咗街，Anjaylia騷價係咁升，好多客都唔介意俾多啲，有價有市，部分仲quota價搵佢拍廣告添！」一名公關公司人員透露。
活動上Anjaylia表現風騷，與分屬同公司的Super Girls在場內不停玩自拍。
劇集出街短短一個月，Anjaylia身價五級跳，與日模松岡睇齊。
有劇集出街，Anjaylia愈來愈多搵錢活動送上門。
在《女人俱樂部》扮演少女版李若彤的Anjaylia，演技獲網友激讚。
翻兜無望
拍劇期間已經麻煩多多，就算陳慧珊肯歸隊幫新劇做宣傳，監製寧願唔要佢。
有份拍《女人俱樂部》的陳慧珊，自劇集出街以來，一直以忙於畢業考試和湊女為理由，拒絕幫手宣傳。但眼見同劇其他女演員密密宣傳下，有活動、登台自動搵上門，睇錢份上，身為陳慧珊老公兼經理人鍾家鴻決定轉軚，主動同監製表明有時間亮相做宣傳，不過拍劇期間因為要求多多，兩公婆早已惹來幕後不滿，監製怕再惹麻煩，所有宣傳活動決定唔預陳慧珊，令她𢱑撈夢碎。
撰文、
