錢小豪(右)與冼色麗親手包糭送給長者,錢小豪透露父親節將大擦一餐慶祝。
錢小豪、冼色麗、童愛玲及狄易達等昨日到香港仔宣傳港台劇《同里有親》,即場包糭送給長者。冼色麗透露為劇集學習剪頭髮,她說:「劇中我做髮型師,要去髮型屋學咗幾堂,得媽咪肯畀我試剪。我幫媽咪修少少,因為緊張,逐少逐少剪,剪咗三個鐘,搞到媽咪少少發𤷪𤺧。」
錢小豪透露下月父親節,與家人大擦一餐慶祝,他爆仔仔搞笑事:「之前母親節,阿仔整咗朵白紙花畀媽咪,你知中國人傳統係代表咩㗎啦,都唔知好嬲定好笑。」錢小豪謂仔仔每年父親節都會畫心意卡。
from:
http://hk.apple.nextmedia ... 140524/18730471