唔知係咪因為早前代言嘅纖體廣告被徐子珊取代，所以早幾日鍾嘉欣去銅鑼灣出席活動就晒吓料，小低胸裙上陣兼露小小事業線，佢仲話：「我做咗3年代言人，大家合作得好開心，新嘅宣傳方法換新人好正常。」
嗯，女神梗係要大方啲嘅，不過黐住胸口位嘅雙面膠紙甩吓甩吓咁，好鬼死尷尬。再望落啲，咦？乜個鞋底黐晒膠紙咁得意嘅？媽咪姐問吓幫藝人搞開形象個friend，佢話通常因為對鞋係借，又唔想整污糟個底，所以咪搵膠紙黐住囉。查實鍾嘉欣話晒都係大台姐仔，一對高踭鞋啫，唔係要借呀嘛？
穿崩胸弊傢伙，膠紙鬆咗！
膠紙鞋鞋底黐晒膠紙，有啲樣衰囉。
