鄭中基與陳嘉上聯合執導8千萬大製作喜劇《張保仔》，原屬意舒淇和古天樂演出，預計本月底開拍，但兩人最終因片約太多沒法演出，特別是古仔，同期要演出《5個小孩的校長》、《衝上雲霄》、《殺破狼2》和洽談中的火火新片，雖然跟鄭中基老友，但最後抽不出檔期，導演只好換上黃子華演張保仔，女主角就起用陳法拉。
黃子華曾在公演的棟篤笑中，自嘲是票房毒藥，大製作輪不到自己，但今次演出《張》片終於打破宿命，不但拍攝到大製作，而且是第一男主角，他與戲中的鄭中基一起演搞笑海盜，且看今次能否借陳嘉上和鄭中基之力，在票房上起到化學作用。
陳法拉進軍影圈，將與子華齊齊放笑彈。
當年子華主演的《一蚊雞保鑣》票房麻麻。劇照
臨危受命
《張》片月底會在廣州開拍，由於子華今次純粹捱義氣接演，原本年底他要做棟篤笑，需要約半年時間準備，但古仔突然甩期，他臨危受命，才盡量抽檔期演出。
昨日記者向子華經理人阿May求證，她說：「係呀！子華係接咗《張保仔》，因為佢同陳嘉上老友，同鄭中基又係朋友，佢兩個開到聲幫忙，又肯就期，話一個半月內搞掂，咁應該唔係好影響年底個棟篤笑，所以子華答應拍囉！但拍完呢部戲後就真係乜都唔做喇！」
古仔昨日在荃灣出席活動，大讚網民創意十足。
此外，古仔昨日以童夢慈善基金會委員身份，在荃灣出席慈善嘉年華活動。被問到在金像獎再食白果而獲成龍致辭勉勵時，古仔被指在台下爆粗，有網友更「炮製」粗口版片段，古仔說：「我有留意，首先覺得佢哋創意無限，其他就唔回應啦。」
from:
http://hk.apple.nextmedia ... 140418/18693148
