貴為無綫「咪神」，高海寧劇多活動仲多，搵多咗係唔同啲，出入渣寶馬、孭Chanel。上星期五，仲俾FBI撞到佢去尖東帝苑酒店開飯，不過愈來愈富貴嘅高Ling唔係淨係豪自己，而係豪全家。FBI就發現佢一個人包起阿媽、阿爸、細佬同另外一男一女親友食自助餐，588蚊一位計埋加一，埋單差唔多要4千，高Ling一樣冇眨眼。高Ling一路食仲一路上載全家合照上微博，原來係細佬考完試，所以佢特登請食飯慰勞吓細佬喎。
其實高Ling出身唔係秘密，南京出世、十幾歲至落嚟香港，阿媽喺旺角擺檔賣首飾，最窮時住過劏房。咪睇高Ling 34E身材惹火、做戲又專做啲波大無腦𡃁模呀，佢份人最顧家又話自己保守，又話為將來老公仔女唔會拍情慾戲、又話一分一毫都係血汗錢，要買靚屋畀屋企人享福，呢啲咁乖既女、咁好嘅家姐，去邊度搵？
高Ling架寶馬1系新車差唔多成33萬，車頭梗係要裝部時下流行嘅車cam，不過睇個款就似深水埗幾百蚊雜嘜貨，因住夜晚唔夠高清喎！
車住成家人返屋企，臨入車場仲不忘對住FBI回眸一笑，抵佢做女神。
同屋企人歎自助餐前，FBI喺西環發現高Ling。呢日佢戴住黑超，再加埋名牌Chanel手袋，相當有星味。
同家人食飯，高Ling素顏又密實。同細佬食飯傾偈都掩面嘟嘴，反應好cute。
一路食飯，高Ling已經請職員幫手影番張全家大合照po上微博，話係食飯慰勞啱啱考完試嘅細佬。
撰文、
