惠英紅（小紅）、文詠珊（Janice Man）及導演陳果等，前晚於灣仔欣賞電影《那夜凌晨，我坐上了旺角開往大埔的紅VAN》首映後，眾演員齊坐紅Van到蘭桂坊開派對，眾星下車時吸引大批途人爭住影相，場面有點混亂，邵美琪與男友施祖男趁亂快閃入場。
小紅早於柏林已看過該片，但前晚再看心情依然激動，提到有指此片有政治隱喻，小紅稱不覺題材敏感，亦不擔心被批評，她稱戲中已奉獻了第一次，就是講粗口。
有傳《紅VAN》有兩分鐘政治意味較重的戲份被刪，陳果解釋：「想做得更完美，cut咗兩分鐘係想緊湊啲。」提到JM及小紅願將片酬當投資開拍續集，陳果指今次老屈演員沒有收足片酬，已不好意思。
余文樂喜見Ase冇男友
楊千嬅、余文樂及李心潔等前晚於尖沙咀出席電影《香港仔》首映，消瘦不少的千嬅在首映中身穿的晚裝疑似離罩，她解釋：「冇，我有食嘢，不過最近多嘢做，戒油戒鹽，想弗啲！」首次欣賞《香港仔》的千嬅笑謂電影開首似鬼片，她之後換了另一套衫出席該片的派對。
余文樂說如拍拖會向大家坦白。
余文樂最近與混血女Ase Wang傳緋聞，他說：「到咗我呢個年紀，拍拖會坦白，只係朋友。（發展中？）要發展一早發展咗，（秘遊洛杉磯？）我有去，佢住喺嗰度，約埋食晏，我都唔知對方有冇男朋友。（一早講咗冇。）咁都好啲，唔係就麻煩。」
千嬅笑言《香港仔》開首似鬼片。
