自從08年淫照事件後，陳冠希（Edison）遭受千夫所指，事業一沉百踩。即使10年復出，但人氣已不復當年勇。
第3集的士驚魂劇中飾演私家偵探的Edison，經常調查靈異案件。某的士司機性格突變，於是Edison深入廢置車場，發現的士司機聽的電台，屬女鬼勾魂電台。雖然全劇冇女鬼出現，但彭發擅長營造陰森氣氛。
不過等發圍等足多年的Edison，終於執到好籌，泊到騰訊大碼頭，在網劇《探靈檔案》做男一。《探》劇月初開播，點擊率已突破五千萬，令Edison翻生在望。據知Edison今次拍十集劇已穩袋250萬人仔高薪。由於每集只得20分鐘，換句話說，Edison每分鐘便穩袋1.25萬。看來霉咗咁耐嘅Edison靠呢鋪食糊。
作為騰訊2014年第一部網絡劇，《探》片特別找來具話題性的陳冠希主演，並邀請商天娥、滕麗名、黃德斌、鄧麗欣等港星客串。雖然只播映了頭三集，但觀眾反應熱烈，點擊率已衝破五千萬，刷新了中國網劇的多項紀錄，令Edison在內地人氣急升。
第2集電梯撞鬼Edison第二集調查歌手電梯死亡事件，劇中不時出現閉路電視片段，甚有藍可兒事件影子。由於劇集由騰訊投資，故全劇夾雜不少微信畫面。
全劇最驚電梯燈光突然一閃，女鬼就從Edison身後現身。雖然情節與彭發前作《見鬼2》相似，但暫時來說，這幕依然是全劇最驚嚇位。
騰訊欽點《探靈檔案》共10集，每集由一個社會熱門事件改編而成，由擅長拍驚慄片種兼有自己班底的彭發導演，最初構思並無考慮起用Edison。「彭導不嬲拍片都用開合作過嘅人，加上Edison冇乜拍過驚嚇片，本來不在考慮之列。不過騰訊認為Edison復出之作一定引嚟巨大迴響，加上角色要講英文，所以堅持主角非佢莫屬。」知情人透露。
騰訊欽點之餘，更出動到250萬人仔拍攝十集利誘。「Edison本身有潮牌生意，所以酬勞唔係最優先考慮。其實之前都有唔少電影搵過佢，不過啲角色全部冇乜戲份。依家呢套有彭發做保證，加上題材吸引，認為可以幫到佢發展內地市場。」
今次唔輸得，Edison頻頻宣傳谷《探》劇，除了在微博放搞鬼相外（上圖），上周五（21日）更同彭發導演出席慶功。
第1集神秘喊聲
村屋經常半夜傳出BB喊聲，令租客雞飛狗走，屋主商天娥決定搵Edison揭開真相。
調查途中，Edison目睹廁所濺血兼且有BB怪手升上來（小圖），及後才發現曾有租客如廁途中流產。
廁所有怪手
港星助陣《探》劇還有7集未播，陸續有不少港星出現，包括飾演被逼害的美容店東主鄧麗欣（上圖）、遭髮妻落毒致神志不清的黃德斌，全部有戲做。
搵舒淇教路
Edison和女友Ann拍拖兩年，感情穩定，經常被拍得結伴出埠，難怪屢傳婚訊。《壹週刊》圖片
難得搵到機會翻身，Edison亦一改以往作風。「以前Edison拍戲例必準時走，而且喺片場成日玩玩吓，冇厘正經。不過今次就唔同，佢除咗得閒會研究劇本外，仲主動打俾拍過彭發《見鬼2》嘅舒淇，叫舒淇教路。」一名工作人員透露。
貪玩的Edison終於修心養性，據知他下一步計劃就是密謀與台灣女友洪文安（Ann）結婚。知情人說：「Ann嘅媽媽不嬲都反對佢哋兩個拍拖，所以Edison決定做啲成績出嚟，證明自己大個仔，有能力照顧Ann。」所以每逢劇集出街後，Edison與Ann都會留意網民的評價，更將評價send俾未來岳母睇。
靠《探》片翻生，Edison向本刊記者說：「一開始我諗住專心演戲，我都唔知幾多點擊率先叫好。今次最開心唔係錢，而係拍戲所帶嚟嘅滿足感，呢啲係錢買唔到。（覺得翻生有望？）好多謝大家鍾意睇我做戲，亦都俾我知道繼續演落去係啱嘅。（劇集反應好，下一步係咪結婚？）結婚對我嚟講係一張紙，係一場活動，依家好似係網上嘅人知道我幾時結婚，而我自己唔太清楚。」
有讚有彈逢周五中午十二時在騰訊網獨家播出的《探靈檔案》，至今經已累積五千萬點擊率，引起迴響，大批網友留言。
網劇新趨勢網絡劇近年於內地大行其道，不少視頻網站紛紛請來兩岸三地的巨星坐鎮，除了令點擊率不斷刷新紀錄外，同時掀起一股追劇熱潮，推介以下幾部。
寫實愛情
《微時代之戀•初戀篇》講述一群年輕人於新媒體網絡下的愛情故事，並請來余文樂及楊冪領銜主演，是本年度最受期待的網絡劇之一，預計6月開播。
揭娛圈醜聞
《光環之後》由台灣綜藝大哥大吳宗憲做導演，集合賴琳恩、林利霏、王思佳、雞排妹等多名演得剝得的女藝人演出，大膽揭露娛樂圈的秘事醜聞。《光》劇於今年情人節播出，累積點擊率經已破億。
最星光熠熠
被譽為「網絡神劇」的《屌絲男士》長做長有，現正去到第三季，屬處境喜劇。去年6月播映的第二季，更請來內地紅星湯唯和台灣名模林志玲演出，絕對稱得上星光熠熠。
