謝安琪、吳雨霏（Kary）、官恩娜、鄭欣宜、As One同張敬軒等，噚日出席喺港台舉行嘅「第三十六屆十大中文金曲」頒獎禮記者會，頒獎禮會喺明年1月12號喺九展Star Hall舉行。雖然天氣轉涼，但係貪靚嘅女歌星又點會理天氣指數襯衫呢？噚日有唔少女歌星就着短裙熱褲出現，但就要坐喺台上個矮到爆炸嘅梯級，結果累到個個坐低都幾乎走光，好似坐頭排嘅Kary、Regen同As One成員Elfa都難逃露底，就連坐喺第二排嘅欣宜都避無可避，咁又難怪，個位同坐喺地冇分別，就算幾有儀態都冇用。
軒仔被迫拆錄音室
另外，軒仔自爆用咗成五千萬起嘅廣州錄音室，因為政府收地，所以兩年內要清拆，佢認真識宣傳喺台上話：「呢兩年香港唱片公司嚟錄音，係會有一個好好嘅discount。」
Kary雙腳已擺出最優美甫士，但都唔小心走光。鬼妹仔嘅欣宜，估唔到着長裙個坐姿咁豪邁。
一向係失魂魚嘅Regen，一坐低就失守。
講到黃貫中（Paul）近日自爆家暴，大鬧老竇曾對黃媽媽同老婆朱茵動粗，仲話因情緒唔穩定所以唔做新戲《末日派對》宣傳。同Paul合作拍戲嘅謝安琪話有傳短訊慰問對方：「不過佢冇覆，可能要時間清靜，希望佢快啲冇事。」而今年港台不設金針獎，但就會喺頒獎禮上向已故嘅羅文、張國榮、陳百強、黃家駒同梅艷芳致敬。
As One成員Elfa唔怕凍着熱褲，亦唔小心春光乍洩。
都係謝安琪醒目，着咁密實大聲笑都冇有怕。
from:
http://hk.apple.nextmedia ... 131127/18525482
