徐濠縈身為Carven的粉絲，之前已到過巴黎睇騷，今次與老友黃偉文（Wyman）齊齊捧場。提到早前老公陳奕迅（Eason）接受楊瀾訪問時，表示少陪她覺得有所虧欠，阿徐說：「好彩陪我入產房，入手術室，了解佢性格，知佢大細路，要我同Katie（Eason經理人陳家瑛）湊，難預計佢盡爹哋責任，佢情緒起落大，𠵱家成熟啲，諗番件事，但冇同我講過。」
徐濠縈近年鍾愛Carven，繼到巴黎直擊，前晚現身上海欣賞時裝騷。
杜鵑成為中港兩地時裝活動的鐵腳。
吳千語自言生日當天，在密麻麻的工作中度過。
提到袁詠儀有產後抑鬱，阿徐表示沒有：「生完幾日就去內地拍劇，我好彩有媽咪，忙到冇時間，一手湊小朋友，淨係記得辛苦，Eason冇乜幫，好少抱女，囡囡大少少同爹哋練歌、彈結他，佢以前係工作狂，知佢𠵱家盡力，以前係疏忽少少。」
from:
http://hk.apple.nextmedia ... 131101/18487991
