DaDa昨日舉行的8分半鐘記者會，不時木無表情，心情沉重。
陳靜（DaDa）今年8月在微博宣佈息影，潛水三個月忽然復出，昨日她在經理人施念慈（Celia）陪同下在尖沙嘴舉行道歉記者會，記者會不設發問環節，DaDa發言時一度眼泛淚光，不過谷極也谷不出眼淚。
讀貓紙認知錯
DaDa收起平日的性感，以一身素色打扮到場，並帶定預先寫好的講稿朗讀，簡單解釋當日「引退」的經過，並以「非常唔負責任」來形容自己，她說：「三個月之前，我喺微博單方面宣佈話要退出幕前演員工作，係一個非常唔負責任行為，而經過呢三個月反思，令我清楚知道自己今次有幾錯。」DaDa表示自己因工作壓力大而患上情緒病，又不懂得釋放出來：「加上當時屋企出現好多問題，好似雪球咁越滾越大（哽咽）！當時我精神好脆弱，好多嘢諗埋一邊，亦都認為自己性格係咪唔適合再做幕前工作（欲哭），所以好衝動喺微博單方面宣佈退出，以為逃避可以解決問題。」
席間，DaDa不斷向各單位道歉，由自己公司、到合作夥伴、家人，無一缺漏：「真係好對唔住所有受影響嘅工作人員、導演、監製同演員，之後我會同受影響公司逐一道歉，亦好對唔住所有一直支持我嘅朋友，當時我退出令到你哋好失望，希望你哋可以原諒我。」只見DaDa不時停頓哽咽，但哭不出眼淚，反而施念慈聽DaDa的話竟感動得淚流滿面。
記者會上DaDa多次眼濕濕，但谷不出眼淚。
發言時DaDa幾乎全程垂下頭睇稿，照稿讀內容。
DaDa作九十度鞠躬，隱約露出胸前事業線。
承諾珍惜機會
DaDa又提到她患了中度抑鬱症，之前一直有看醫生，她說：「張假紙去到9月27號，10月開始減藥，食到呢個月中，𠵱家情況大有改善。」她再三強調感謝公司的體諒，並揚言今後會珍惜每個工作機會。長約8分半鐘的演說告終，之後DaDa鞠躬致歉，露出微微事業線，再用紙巾抹眼轉身後離去。
入場時DaDa由經理人施念慈（中）陪同，她即認衰鞠躬。
錢國偉曾勁鬧DaDa閃退影響《喜愛夜蒲3》劇組進度。
from:
http://hk.apple.nextmedia ... 131106/18494811
