鍾嘉欣與伍允龍感情穩定，最近卻殺出「追求者」陳展鵬，展鵬透過大氣電波直認拍劇時對嘉欣動真情。嘉欣BB昨晚在亞洲博覽館出席法拉利展覽，穿上tube dress谷波罅現身，她說：「我覺得幾健康，少少性感，做咗呢條裙需要做嘅嘢。」惜最終仍失手露胸墊。嘉欣做訪問期間，展鵬的緋聞女友貝安琪與媽媽剛巧到場，嘉欣與貝安琪合照時扮到好老友，兩個半唐番同聲同氣，還手拖手合照。
嘉欣笑言不知展鵬對自己有好感：「我唔知，同佢一齊做過幾次訪問都冇講，係咪幫部劇宣傳？等我問清楚佢先。」是否與伍允龍拗手瓜？她笑說：「唔清楚，大家成年人，唔會嚇親我，我好大隻，係就同我拗。」嘉欣曾坐展鵬車遇上交通意外，問男方是否獻殷勤？她說﹕「我好好彩，成日遇到一齊合作嘅男仔都好有風度，好樂意兜埋我。」她自言喜歡跑車，初戀男友亦是揸跑車，故對跑車有情意結。
陳展鵬兩位緋聞女友貝安琪（左）與嘉欣BB同時現身，還手拖手狀甚老友。
【C女郎】
嘉欣BB雖打了底，仍失手露胸墊。
腹大便便的諸葛，笑言工作是尋開心。
穿透視裝的馬詩慧（左）與女兒王曼喜性感現身。
谷奶諸葛餵母乳
同場還有懷孕七個月的諸葛紫岐、林忠豪與女友、黃浩、琦琦、馬詩慧及女兒王曼喜等，諸葛穿上低胸裙谷奶現身，她自言升了兩cup說：「預備餵母乳，對小朋友健康好啲。因為諗住開刀，所以呢排都食得好清淡。」她未有透露是否為薛家添男丁，笑言會努力賺錢買車送給BB：「男仔女仔都會鍾意車，我都想自己搵錢買嘢送畀小朋友。」大肚婆酬勞是否較高？她說：「老公（薛嘉麟）唔想我做，我亦唔係睇錢，只係成日喺屋企好悶，有啲嘢做，同大家傾偈開心啲。」
from:
http://hk.apple.nextmedia ... 131020/18471134
