無綫一年一度出動全台小生花旦吸廣告嘅節目巡禮，將會喺下個月7號舉行。今年巡禮推介嘅十幾部重頭劇中，鍾嘉欣起碼有兩部，除咗前日佢同馬德鐘啱啱煞科嘅《飛虎II》之外，仲有一部由嘉欣BB孭晒重飛、以佢做核心嘅民初劇《大藥坊》。
《大藥坊》由徐正康監製，嘉欣BB同陳展鵬、唐詩詠、黃浩然會有四角戀，劇情講嘉欣BB本來係民初一間大藥廠嘅千金小姐，點知間廠有問題令佢家道中落，加上發生好多疫症，嘉欣BB幫手拆解。以前女性嘅社會地位好低，嘉欣都好堅強面對，有多少韓劇《大長今》feel！無綫為力捧嘉欣BB，呢部完全搵佢擔正，好明顯係畀多個機會佢做視后啦！另外，嘉欣BB前日拍《飛虎II》時，因為馬德鐘失手而將佢摔落地受傷，不過佢前晚睇完醫生後，噚日即刻包住紗布去福州做嘢，好搏囉！
無綫節目巡禮中，鍾嘉欣最少有兩劇喺手，擺明獲高度重視！
祥仔戀蓋鳴暉
巡禮介紹嘅重頭劇，黎耀祥都有超過兩部，包括《大太監》原班人馬開拍嘅《太監五虎》，以及佢同蓋鳴暉嘅《水髮胭脂》，劇中祥仔同蓋鳴暉談情說愛，聽落幾重口味囉！另外，李添勝亦會有一部清裝喜劇，馬國明會剃頭同楊怡孭飛。其他重頭劇包括吳啟華主演嘅時裝劇、《老表，你好嘢！》續集、胡杏兒同吳卓羲嘅《醋娘子》、《M Club》、《忠奸人》、《My盛Lady》、《貓屎媽媽》同《守業者》等。
至於梁家輝幫無綫拍劇個期會押後，而之前傳話黃秋生、洪金寶拍劇，以及重拍《流氓皇帝》、《無雙譜》同《獅子山下》都未有聲氣。苗僑偉（三哥）噚日喺中環出席活動，佢本來出年1月同梁家輝拍無綫一部警察內部鬥爭嘅新劇，但三哥話家輝個期有問題，所以拍唔到。失望？佢話：「可惜，冇計啦！」
版主：陳基征
無綫一年一度出動全台小生花旦吸廣告嘅節目巡禮，將會喺下個月7號舉行。今年巡禮推介嘅十幾部重頭劇中，鍾嘉欣起碼有兩部，除咗前日佢同馬德鐘啱啱煞科嘅《飛虎II》之外，仲有一部由嘉欣BB孭晒重飛、以佢做核心嘅民初劇《大藥坊》。
《大藥坊》由徐正康監製，嘉欣BB同陳展鵬、唐詩詠、黃浩然會有四角戀，劇情講嘉欣BB本來係民初一間大藥廠嘅千金小姐，點知間廠有問題令佢家道中落，加上發生好多疫症，嘉欣BB幫手拆解。以前女性嘅社會地位好低，嘉欣都好堅強面對，有多少韓劇《大長今》feel！無綫為力捧嘉欣BB，呢部完全搵佢擔正，好明顯係畀多個機會佢做視后啦！另外，嘉欣BB前日拍《飛虎II》時，因為馬德鐘失手而將佢摔落地受傷，不過佢前晚睇完醫生後，噚日即刻包住紗布去福州做嘢，好搏囉！
祥仔戀蓋鳴暉
巡禮介紹嘅重頭劇，黎耀祥都有超過兩部，包括《大太監》原班人馬開拍嘅《太監五虎》，以及佢同蓋鳴暉嘅《水髮胭脂》，劇中祥仔同蓋鳴暉談情說愛，聽落幾重口味囉！另外，李添勝亦會有一部清裝喜劇，馬國明會剃頭同楊怡孭飛。其他重頭劇包括吳啟華主演嘅時裝劇、《老表，你好嘢！》續集、胡杏兒同吳卓羲嘅《醋娘子》、《M Club》、《忠奸人》、《My盛Lady》、《貓屎媽媽》同《守業者》等。
至於梁家輝幫無綫拍劇個期會押後，而之前傳話黃秋生、洪金寶拍劇，以及重拍《流氓皇帝》、《無雙譜》同《獅子山下》都未有聲氣。苗僑偉（三哥）噚日喺中環出席活動，佢本來出年1月同梁家輝拍無綫一部警察內部鬥爭嘅新劇，但三哥話家輝個期有問題，所以拍唔到。失望？佢話：「可惜，冇計啦！」
版主：陳基征
鍾嘉欣受完傷即北上出席活動，勁勤力！
微博圖片
《M Club》有中女（左起）葉蘊儀、張慧儀、李若彤同李麗珍掛帥。
from:
http://hk.apple.nextmedia ... 131001/18444805
