盛傳兩位小花（右）楊思琦同鍾嘉欣當年喺番禺失蹤兩小時。
咪以為港人個個北上搵銀咁過癮，查實真係搵命博！蔡少芬日前喺天津出席完商演，喺回程公路俾兩架汽車前後包抄，嚇到佢魂飛魄散，好彩最後冇事。講到最凶險，就一定係05年無綫攝製隊上番禺拍劇集《人生馬戲團》。
話說05年8月，劇組為慶祝思琦妹生日，拉隊去夜店開P唱K，陳浩民、唐文龍、鍾嘉欣都有到場。大約凌晨兩點幾，眾人狂歡後準備離開之際，突然有三架車停低，之後有十幾人揸住水喉通衝埋嚟向佢哋襲擊，情況極之混亂。事後有指思琦妹同鍾嘉欣失蹤兩小時，亦有傳武術特技指導元寶因為奮力護花而受傷。發生「人生馬戲團」事件後，藝人亦開始意識到北上工作嘅危險性。
from:
http://hk.apple.nextmedia ... 130928/18441001
