鍾嘉欣BB等做視后

鍾嘉欣噚日喺將軍澳電視廣播城影無綫2014年月曆，講到今年有傳公司諗住用《巨輪》造就佢攞視后，嘉欣BB笑笑口話：「平常心喇，我又冇壓力。年年都係咁講喇，不過我都開心得到大家關注，會繼續加油，將來嘅嘢係未知之數。」講到《巨輪》下星期一播，會唔會約埋啲藝員一齊睇？嘉欣BB話：「好似冇呀，我嗰日要拍廣告，但係監製已經約咗我哋睇大結局，聽講仲係book咗個好好嘅地方㖭。」
from:http://hk.apple.nextmedia ... 130920/18430487

今年視后熱門之選的鍾嘉欣為捧獎升呢，拍攝無綫劇集《飛虎Ⅱ》時經常博到盡。日前嘉欣BB和馬德鐘被《好報》拍得到九龍城開工，吸引不少街坊圍觀。身穿白色背心外加白恤衫的嘉欣，按導演要求埋位拍狂奔戲，見她全情投入，碌大雙眼和馬德鐘來來回回不停跑，向來斯文的她更懶理恤衫飛起，當街露出Bra帶，大晒性感香肩。未幾嘉欣和馬德鐘發現記者拍攝，雙雙主動上前打招呼，然後又友善地和街坊合照。

鍾嘉欣與馬德鐘拍攝時七情上面，非常入戲。
from:http://orientaldaily.on.c ... /00282_017.html

鍾嘉欣（左）同田蕊妮噚日喺樂富宣傳新劇，一身娘爆打扮嘅嘉欣搶晒鏡啦！

噚日雖然打風，不過鍾嘉欣、田蕊妮、蕭正楠同李亞男等仍然去樂富宣傳今晚首播嘅無綫新劇《巨輪》，仲即場手製花生糖派畀觀眾。喺眾多藝員中，嘉欣BB零零舍舍着到勁娘，一身九十年代服飾，黑色喱士衫配高腰褲，訪問時嘉欣BB都忍唔住喪笑：「今日得我一個着九十年代衫！我漏夜搵咗兩、三個鐘，點知後尾唔使着，不過（劇組）冇通知，好瘀囉！」佢希望個風可以令觀眾留喺屋企，帶挈新劇有好收視。講到蔡少芬喺內地商演幾乎俾人綁架，嘉欣BB話無論去邊，特別係內地，都要加強保護意識，佢都試過喺內地拍戲遇到收陀地，佢明白嗰種驚！

蕭正楠再做代言人

至於蕭正楠今次唔止擔正做男主角，仲因而做埋贊助商嘅代言人，不過佢好尷尬咁話：「對上一次做廣告代言人係『o雪o雪o雪』，已經有八、九年喇！」當年蕭正楠幫金龍船拍個蛋糕廣告，不停o雪o雪o雪，俾人笑足一世，𠵱家都算守得雲開啦！

另外，田蕊妮星期六生日，佢話因為屋企養咗貓咪，所以會約啲朋友返屋企慶祝。講到佢老公杜汶澤減肥成功，仲操到好弗，問佢驚唔驚招惹狂蜂浪蝶？阿田話：「係咪佢驚我先呀！」


噚日雖然打風，不過鍾嘉欣、田蕊妮、蕭正楠同李亞男等仍然去樂富宣傳今晚首播嘅無綫新劇《巨輪》，仲即場手製花生糖派畀觀眾。喺眾多藝員中，嘉欣BB零零舍舍着到勁娘，一身九十年代服飾，黑色喱士衫配高腰褲，訪問時嘉欣BB都忍唔住喪笑：「今日得我一個着九十年代衫！我漏夜搵咗兩、三個鐘，點知後尾唔使着，不過（劇組）冇通知，好瘀囉！」佢希望個風可以令觀眾留喺屋企，帶挈新劇有好收視。講到蔡少芬喺內地商演幾乎俾人綁架，嘉欣BB話無論去邊，特別係內地，都要加強保護意識，佢都試過喺內地拍戲遇到收陀地，佢明白嗰種驚！

蕭正楠再做代言人

至於蕭正楠今次唔止擔正做男主角，仲因而做埋贊助商嘅代言人，不過佢好尷尬咁話：「對上一次做廣告代言人係『o雪o雪o雪』，已經有八、九年喇！」當年蕭正楠幫金龍船拍個蛋糕廣告，不停o雪o雪o雪，俾人笑足一世，𠵱家都算守得雲開啦！

另外，田蕊妮星期六生日，佢話因為屋企養咗貓咪，所以會約啲朋友返屋企慶祝。講到佢老公杜汶澤減肥成功，仲操到好弗，問佢驚唔驚招惹狂蜂浪蝶？阿田話：「係咪佢驚我先呀！」

《巨輪》演員噚日冒風球谷劇，真係辛苦晒！

蕭正楠餵粉絲食嘢，相當識做。

李亞男晒美腿，自然引人注目。
from:http://hk.apple.nextmedia ... 130923/18433941

鍾嘉欣、蕭正楠及田蕊妮等昨為劇集《巨輪》宣傳，活動原本要藝人以90年代造型現身，但臨時更改了，嘉欣卻不知道，所以只有她以懷舊造型到場，令她十分尷尬。談到蔡少芬在內地工作時似足被綁架，嘉欣覺得好恐怖，並說：「我喺內地拍劇試過有人收陀地。（叫緋聞男友伍允龍過兩招旁身？）唔係成日練，就算識啲招數都冇力。」

鍾嘉欣（左）與田蕊妮玩嘴對嘴。

將於周六生日的田蕊妮表示，屆時老公杜汶澤會為她下廚，並送了iPhone 5s做禮物，問會否怕老公減肥後有小三？阿田說：「如果佢過界，我有辦法對付佢。」蕭正楠說因《巨輪》有機會再拍廣告，問他是否搵到老婆本？他說：「夠買張床咋，畀多幾年時間啦。」最近演出王晶新劇《縱橫天地》的蕭正楠續說：「晶哥希望我同孟瑤做到《家有喜事》入面嘅周星馳同吳君如咁。」談到無綫被指壟斷藝人，蕭正楠說：「我覺得容祖兒答得好好，如果冇內地傳媒啲咪牌，我哋啲普通話就冇咁好。」

鍾嘉欣在現場大受歡迎。
from:http://orientaldaily.on.c ... /00282_009.html