九月一日正式轉投蕭定一公司旗下的張智霖（Chilam），六日清晨忽然與前經理人在網上罵戰，據知最後由袁詠儀出手，才平息風波。《衝上雲霄II》剛播完，秒殺唔少女性觀眾的Chilam，為了食住Cool魔人氣，早已錄好《歲月如歌》作為轉會頭一擊，拍MV時，Chilam更瞓晒床，濕住身，誘惑到盡。
十年恩怨離開合作了十年的經理人公司澤東的張智霖，其實早於七月已作實過檔蕭定一的中國3D數碼娛樂有限公司，只是雙方有言在先，到九月才正式公布。
「十年前，Chilam簽澤東係因為Agnes（前經理人），佢哋本身係朋友，Agnes講到公司好好，又有佢喺度，點知，簽咗之後Agnes突然唔做，搞到佢好似孤兒仔咁冇人理，Agnes走咗六年先再返公司幫手；到Chilam收到通知拍《一代宗師》，佢用咗兩年幾時間練詠春，拍都拍咗半年，最後老闆王家衞竟然剪剩嗰六秒戲份俾佢，Chilam心灰意冷，決定轉會。」知情人士說。
Chilam翻唱《歲月如歌》，大家要洗耳恭聽喇！
《衝上雲霄II》已播完，Cool魔一角仍深受大眾歡迎，令到Chilam人氣急升。
雖然Chilam著住衫濕身，但他的表情chok到爆，足以電暈不少人。
阿靚做夾心從沒想過要與舊公司鬧翻的Chilam，九月六日清晨看到前經理人在網上爆粗的說話後，一怒之下將留言轉發。
「Chilam七月已通知澤東唔會續約，當時《衝上雲霄II》啱啱先播，過去十年將佢投閒置散嘅澤東，近滿約前呢幾個月不停幫佢接嘢做，轉會前接嘅嘢全部抽佣，但跟就由新公司嘅同事跟，又無同阿一嗰邊做交接，之前接落嘅job唔講低又唔俾聯絡人佢哋跟進，搞到Chilam啲job亂晒！
「Chilam話舊公司接嘅佢唔會再做，Agnes覺得Chilam反轉豬肚，喺facebook冇開名話佢，爆粗留言指世界不公平；Chilam嬲到轉發出去俾人睇，之後雙方刪走晒啲內容，都係因為阿靚。阿靚同Agnes係好朋友，佢唔想大家搞到咁僵，咪出口叫佢哋剷晒啲嘢走囉。」
袁詠儀與Agnes是好朋友，老公與好友罵戰，夾在中間的阿靚分別要求兩人刪除留言，平息風波。
前經理人Agnes因不滿Chilam轉會而在網上爆粗留言，因而與Chilam網上罵戰。
床上開會Chilam轉新公司，撞正《衝上雲霄II》受歡迎，Cool魔一角令Chilam人氣急升，蕭定一公司把握黃金機會，幫Chilam出唱片，還落實開個唱。
「演唱會一定會開，除咗紅館，仲諗緊有無第二個選擇。唱片會交俾Neway搞，之前Chilam同佢哋都合作得好好，所以會續約，新碟會翻唱《歲月如歌》，仲會開戲俾Chilam孭飛。」一名公司員工透露。
拍攝MV當天，Chilam要與女模李梓言（Jessie）拖晒手瞓上床外，還要濕身透視出鏡。不用埋位時，Chilam就將「床伴」由女模換成老闆，跟蕭定一及Neway唱片部高層商量新唱片及演唱會事宜。為求食盡Cool魔，爭取每分每秒。
新公司安排Chilam出席Franck Muller活動，而舊公司在過去幾個月為Chilam接的工作，亦是由新公司跟進。
在拍攝期間，Chilam未埋位也沒有偷懶，還即場跟老闆蕭定一及Neway唱片高層開會，商量未來大計。
MV女主角是蕭定一從上海新簽回來的模特兒李梓言（Jessie），之後亦會讓她在電影中演出一角。
新歌的MV概念特別，除了找來Jackey當導演外，還找來著名攝影師CK及形象設計師馬天佑合作。
頭炮歌曲拍攝當日，新公司找來多位員工服侍Chilam，對他很重視。
不合即散經理人公司與藝人的關係唇齒相依，但雙方始終有利益衝突，反面收場，平常過平常。
龍小菌吳君祥
出道時一直以罩遮面玩神秘的龍小菌，去年八月簽了吳君如胞弟吳君祥旗下的黃金時代，合作大半年，龍小菌男友兼經理人邵子風忽然在外放聲氣，指今年三月已提前解約，但吳君祥堅稱與對方簽約六年，合約未完。各有各說法，又一宗羅生門事件。
周星馳黃聖依
畢業於北京電影學院表演系的黃聖依，○四年簽約周星馳旗下的星輝公司，參演電影《功夫》一夜成名，○五年八月，黃聖依單方面宣布與星輝解約，又指被公司壓搾，星輝則反指她恃寵生驕，不服從公司管理。最終互相起訴，對簿公堂。
撰文、
