【20歲】
被封為「魔鬼胸」的蔚雨芯，最近更推出寫真集，銷量不錯。
【5個月】
BB時的蔚雨芯頭髮超短，肥肥白白好可愛。
蔚雨芯（Rainky）憑32D魔鬼胸突圍而出，引死不少戀胸宅男，但原來小時候的她是一名醜小鴨，媽咪還幫她剪了個冬菇頭，似足煲蓋，令她難過到哭。家教甚嚴的她直到12歲才獲得自由，更開始學習扮靚。
現年20歲的蔚雨芯毫不吝嗇身材，憑天賦本錢迷死不少宅男，不過小時候的她卻是醜小鴨，她自嘲說：「細個好醜樣，有次媽咪幫我剪冬菇頭，好似成個煲蓋咁，激到我喊！好在12歲開始變靚。記得小學二年級時，仲有個六年級哥哥話鍾意我，成日撩我傾偈，真係嚇親我。」
【3歲】
小時候的蔚雨芯（左）跟弟弟餅印一樣，連表情都似到十足十。
【5歲】
蔚雨芯童年時望住鏡頭沒表情，想不到長大後卻是甫士王。
【6歲】
女孩子都是喜歡長頭髮，不過蔚雨芯媽咪卻幫女兒剪男仔頭。
唔准出夜街
越大越靚的蔚雨芯，坦言自小就貪靚，她說：「讀書時試過因為髮夾太閃俾老師捉，又試過偷偷將校裙夾起唔冚過膝頭，不過年年操行我都攞A㗎，因為我好乖會聽老師話，細個又好鍾意幫人做嘢。」
【9歲】
蔚雨芯讀書後近視開始加深，很快已變四眼妹。
【10歲】
蔚雨芯跟弟弟感情很好，心愛玩具亦由芭比變了數碼暴龍。
【11歲】
喜歡美術的蔚雨芯，讀書時曾跟美術老師合照留念。
小時候家教甚嚴，被父母嚴禁去夜街，蔚雨芯說：「讀書時只係試過同學校去露營，平日唔會落街玩，因為爹哋媽咪唔畀我去夜街，佢哋管教好嚴，夜晚10點前我就要瞓覺，一定要做晒功課至准玩，規定每日只可玩一粒鐘電腦，又唔畀食薯片，直至12歲先自由啲。」
【12歲】
12歲的蔚雨芯開始扮靚，還因為髮夾太閃被老師訓話。
【15歲】
蔚雨芯（左）跟好友去迪士尼遊玩，女孩子都喜歡童話世界。
蔚雨芯只有一個弟弟，自小就跟弟弟玩耍，性格也變得有點男仔頭，她說：「細個我鍾意玩芭比，但大大吓就同細佬玩機械人、數碼暴龍，試過有次媽咪講緊一個重要電話，我同細路喺隔籬玩到癲，嘈住媽咪傾偈，激到媽咪打咗我哋幾巴掌。」
from:
http://hk.apple.nextmedia.com/entertainment/art/20130907/18412338
