擔任今屆「最上鏡小姐」評判的洪永城、沈震軒、王浩信、許廷鏗和張景淳昨日和十位候選港姐會面，不過因地方淺窄，五子一度要「踎低睇女」，場面搞笑；三位大熱佳麗(9)劉溫馨、(15)蔡思貝、(17)陳凱琳最後成功成為眾子的心頭好。
蔡思貝（左）和陳凱琳同是今屆大熱。
十位候選港姐昨日在電視城會晤五位「最上鏡小姐」評判：洪永城、沈震軒、王浩信、許廷鏗和張景淳。五位評判要即場揀選心水「最上鏡小姐」，但因地方淺窄，五子為看清佳麗容貌，一度要移師到攝記的位置，且為了不阻礙拍攝，五子惟有「踎住低炒」眾女。最後王浩信和沈震軒選了陳凱琳，許廷鏗選擇劉溫馨，洪永城就選擇蔡思貝，唯獨張景淳同時選了蔡思貝及劉溫馨，被沈震軒嘲貪心。
沈震軒表示日前看電視已留意到陳凱琳：「佢個樣好似外國人，對佢印象幾深、幾靚。（審美準則？）當然要靚同討好觀眾。其實我上年已做過中華小姐嘅『最上鏡小姐』評判，可能我拍過《喜愛夜蒲》，公司覺得我睇過好多女仔。」洪永城和許廷鏗則不約而同表示佳麗們最重要有親切感，洪永城說：「最緊要睇落舒服，好似朋友咁，可以同觀眾拉近距離。（似緋聞女友黃翠如？）都係時候要啲新血、年輕啲嘅。」他又笑言知悉蔡思貝也是從新西蘭回流，會給她「同鄉分」。許廷鏗笑言：「我上年揀咗嘅佳麗都五甲不入，希望今年嘅心水都入圍。」
五子先站着「揀女」，之後遷就攝記而踎低。
放大圖片
佳麗撐陳凱琳
陳凱琳被指人前人後兩個樣，在佳麗中不受歡迎，只向贊助商及高層示好，她否認說：「唔係真，向來都係做番自己，20位佳麗都唔會咁講，同佢哋相處亦冇問題，而我亦根本都冇時間去識贊助商。」蔡思貝和劉溫馨亦力撐陳凱琳指大家相處沒問題。另外，聲稱不怕再被爆料的(16)徐韶蓓，昨又被指私生活不檢點兼與前男友拍下親密照，而且為人隨便，搭港鐵時被陌生男士向她索取電話號碼亦照畀。
from:
http://orientaldaily.on.c ... /00282_007.html
