吳卓羲昨日到商台宣傳《衝上雲霄II》，希望保持高收視。對於有飛機師指該劇術語及揸飛機手勢出錯，吳卓羲說：「監製都驚有錯嘅情況，現場拍時有真嘅飛機師指導，佢哋睇完劇本修改咗我哋先拍。飛機師話佢哋揸飛機有唔同風格，同乘客講嘢時都有唔同風格。」他稱有批評代表有人留意該劇，連飛機師也收看很好。
吳卓羲昨日到商台接受訪問，催谷劇集收視。
另外，吳卓羲和馬國明被指英語發音不好，吳卓羲說：「冇法，演員喺片場重新學，有時飛紙仔，背完可能改劇本，已盡力拍好。」更指拍第一集已有飛紙仔情況。劇中胡杏兒戴黑超穿崩倒影拍攝隊，吳卓羲指：「已盡量避免，好多時問燈光師，如果真係難就位就換（黑超）。」
from:
http://hk.apple.nextmedia ... 130723/18344621
