陳奕迅（Eason）前晚繼續在紅館開騷，接近個唱尾聲時，Eason在台上見到有粉絲舉起「Eason」及「歌神」燈牌，即大搞氣氛，踢爆張學友捧場，兩代歌神同場即引來粉絲大叫學友唱歌，更有不少粉絲走近學友身旁影合照。
張學友（右）與陳奕迅兩代歌神齊齊獻唱《每天愛你多一些》。張學友前晚睇Eason個唱被他的螢光運動衫暴露了行蹤。
手拖手合唱
Eason在台上取笑學友：「都叫你唔好着螢光衫，你哋畀啲空間我偶像，唔好騷擾佢，佢今晚嚟睇騷，想愴你哋個心，680蚊就想睇Eason同學友唱歌，陣間又喺網上俾人鬧大細超。」
Eason在台上大叫學友「阿哥」，呼籲他上台say hello，他更hard sell地笑言想聽二人合唱，就買他新碟，有他與學友合唱的《同舟之情》，最後學友都被Eason捉了上台，學友即笑說：「我喺電台聽到話阿臣好唔舒服，所以嚟睇吓，點知發覺俾人呃咗，佢都唔知幾舒服，唱得咁好，我就放心，去得放心。」二人手拖手合唱《每天愛你多一些》，搞笑地眉目傳情，Eason更將頭依偎在學友膊頭大晒恩愛冧樣，他表示：「你哋嘅熱情係可以令人與人之間唔好再諗咁多嘢，係一種好pure嘅衝動。」
from:
http://hk.apple.nextmedia ... 130721/18342271
