JJ賈曉晨離開阿叻旗下的經理人公司已兩個月，回復自由身的她去向未明，據知王維基旗下的HKTV曾考慮斟她過檔，但有指阿叻不滿JJ一走就過對家，感覺被人剃眼眉，於是出陰招斷JJ米路。
可憐JJ懵盛盛，無綫連新劇《好心作怪》宣傳都唔預佢，現惟有靠男友樊少皇接濟，客串樊少皇有份投資的新劇頂住兩餐先。
早前發脹不少的JJ參與的泳衣騷，是舊公司在她約滿前接下的工作，但卻被叻哥說成「仲有瓜葛」，阻HKTV斟她傾過檔。
入行10年，JJ叫俾陳百祥力捧過，卻一直浮浮沉沉，未能成功做無綫一姐。
賈曉晨（JJ）簽下阿叻陳百祥旗下的Snazz長命約10年，表面好受重用兼合作愉快，今年4月JJ卻不再續約結束賓主關係，有身邊人向本刊透露，JJ與阿叻事實一直口和心不和。「公司唔畀佢拍拖、又不斷畀壓力佢，有啲唔好嘅新聞又鬧佢，又想佢繼續性感拋胸，其實JJ根本唔想……JJ經常因為咁喊得好慘，叻哥都只係安慰幾句咁囉。」
發脹行騷
人肉速遞
有愛情滋潤的JJ，明顯發福不少，連腰都冇埋。
JJ一完騷，翌日就人肉速遞到橫店，慶祝男友樊少皇40歲生日，除送蛋糕到拍攝場外，更被週刊影到她陪男友飲酒慶生劈到嘔。
樊少皇與JJ打得火熱，有指樊少皇不甘女友被舊公司忽視，游說她不續約，繼而到內地發展，逐步將JJ私有化。
男友代𢱑撈
今年阿叻決定力谷JJ師妹蔚雨芯和楊焉，是JJ離巢的導火線，加上愛郎樊少皇不想她被人恰，JJ即大膽地決心離開阿叻。另一方面，王維基的HKTV藝員部曾有意斟洽JJ簽約，但叻哥隨即放風阻撓，知情者說：「叻哥四圍同人講：『冇續約唔代表我放人，我哋仲有好多瓜葛未傾掂，佢去得邊？』叻哥唔鍾意JJ一走就簽對家電視台，好似間公司好有問題咁囉，其實啲瓜葛只係JJ約滿之前接咗啲泳衣騷之嘛。」
冇着落的JJ則趁男友本月中生日，索性人肉速遞跑到橫店陪愛郎，樊少皇更出面幫她𢱑撈，情侶檔拍內地劇《兄弟們上》。
上週仍身處橫店的JJ，對於要男友接濟和叻哥出招阻簽約，JJ於電話中說：「個泳衣騷係舊公司幫我接，我同舊公司關係一直都好好，價錢好咪接囉！我唔知王維基嗰邊想搵我喎，叻哥都冇講過唔想我去第二間電視台，叻哥不嬲都好錫我嘅！（TVB唔畀你宣傳《好心作怪》？）咁我都冇約囉，冇叫我去都好正常嘅！」入行咁耐仲咁純情！
《好心作怪》在JJ約滿後播出，冇份出席宣傳活動，她表示無綫並冇叫她出席。
樊少皇在橫店趕拍內地劇《兄弟們上》，見女友無主孤魂，即游說劇組加插一角帶挈JJ同台演出。
JJ離開叻哥旗下的Snazz後傳被雪藏，她即在微博澄清，更指有很多新機會等住自己，唔憂做咁話。
早前《好心作怪》宣傳，在劇中戲分算重兼有露肉演出的JJ卻被TVB禁出現，而JJ還有一套《情逆三世緣》拍落，到暑假就有得睇！
終極一剝
JJ在《好心作怪》露黑bra可能是她在無綫的最後一脫。
叻女郎接棒
JJ唔續約，主要原因是「魔鬼巨胸」蔚雨芯和「浸大E神」楊焉簽約Snazz後，公司資源都落在師妹身上，JJ不受重用，反觀兩大乳神有阿叻發功，成功上位。
寫真出擊蔚雨芯
「魔鬼巨胸」蔚雨芯前年由黃杏秀提名選港姐，落選後簽約無綫，隨即跟隨阿叻到墨西哥拍旅遊特輯，又出cosplay寫真集，今年再接再厲到布吉拍攝半裸寫真，強攻書展。
伴叻出埠楊焉
楊焉（Carol）今年2月由鄒世龍的Starz People改投阿叻的Snazz，3月主持《叻哥遊世界》，一幕海灘三點式碧波蕩漾成功引起關注。
