正所謂「牌品好人品自然好」，同樣道理，人衰樣亦自然衰。陳冠希就係最佳人辦！
之前佢接受有線訪問，全程黑面仲要反寸主持，遭到有線封殺。本月初，一名女粉絲喺台灣桃園機場影佢相，點知Edison突然發難，用粗口辱駡對方：「Fxxking stupid woman！」
冇禮貌、冇家教，連帶人都樣衰埋。就早幾日，Edison出席新店開幕，反白眼兼且寒背，無厘貴格。相由心生，咪就係咁囉。
寒背出席服裝店開幕嘅Edison一身潮服，但舉止鼠頭鼠腦（圖），連say聲hi都要反白眼（下圖）。
反白眼唔好學我咁樣衰。
得戚無端端抬頭瞇眼，好得戚咁噃！
阿嬌情路坎坷，相反佢啲前男友都幾順利。Juno同Janine，Edison同售貨員Ann。後者拍拖9個月，有傳好事近㖭。
