改編自李碧華《夜》系列小說的電影《迷離夜》及《奇幻夜》，將分上、下兩集推出，前晚眾演員梁家輝、任達華、陳法拉、陳靜（DaDa）和邵音音等在銅鑼灣坐通天巴士遊街，又在鵝頸橋打小人谷戲，現場有臨時演員扮紙紮公仔。前晚DaDa除了露事業線，上衣側面更開窿露bra邊，法拉也露肩搶鏡。
陳法拉在《奇》片飾演精神失常女子，會有劏人戲份，日前她到街市睇人劏魚，又去了睇精神科醫生，她說：「我將角色病徵話畀醫生知，之後醫生對我有懷疑，我話佢知為做戲，佢都好有耐性分析我聽。」她表示為投入角色，在戲中一個由工廠改建而成的屋企景住了幾日。
DaDa前晚打小人谷戲，彎身露事業線又露bra邊，奇招搶鏡。陳法拉除下高跟鞋作狀打小人，梁家輝立即傍實。
家輝難阻女吸煙
梁家輝主演、任達華有份執導的《迷》片，家輝稱戲中首次與陳慧琳合作，二人不時談仔女經，他坦言做爸爸很大壓力，問他是否擔心囡囡識男仔？他說：「梗唔係啦，我驚兩個女識唔到、嫁唔出，到時貼大床、厚嫁妝送佢哋出門。」不過家輝拒透露女兒有否拍拖。
提到王敏德女兒日前被拍下吸煙照，家輝即說：「有乜咁出奇？王敏德都食㗎啦。」他又澄清早前女兒放食煙相上facebook，其實是做project，不要誤會。至於女兒有否吸煙習慣？家輝說：「我真係唔知喎，我自己都食啦，有乜資格唔畀。」
眾演員前晚在鵝頸橋為新戲造勢。
家輝曾試過醉酒停牌及打傷巴士司機，前晚問他若囡囡飲酒會否阻止？他說：「過咗18歲合法年紀先，我會用自己做例子，唔好飲到好似爸爸咁，事實係好難勸止。」
from:
http://hk.apple.nextmedia.com/entertainment/art/20130612/18293959
