無綫新劇《熟男有惑》演員郭晉安、李思捷、李詩韻、陳敏之和滕麗名等，前晚齊集將軍澳電視廣播城錄影遊戲節目《超級無敵獎門人終極篇》。之前透露視女友王宝宝（春卷）是結婚對象的李思捷，當晚獲女友現身撐場，但當記者上前影春卷時，李思捷即出口護花：「唔好影人哋，放過佢，你哋借尿遁走啦。」
之前李思捷的《玩嘢王》整蠱過不少同事藝員，當晚他變成被整目標，玩「超級無敵過過過」時竟巧合玩兩次都不能過關，結果被罰着冰衫，曾傳跟他不和的阮兆祥即出手幫他穿上。接着玩「超級無敵拍拍拍」時李思捷又被罰食辣壽司，他食到滿面通紅。王君馨玩遊戲時衝口說：「打飛……」其他人聞言即狂笑，並反問她：「你講搭飛機定打火機呀？」
穿低胸衫的王君馨玩輸遊戲要食超辣壽司，但她依然在鏡頭前擺趣怪甫士。
志偉撐苗僑偉
主持曾志偉等問眾嘉賓，有否試過出外景時人有三急，安仔坦認：「試過喺北京郊外開大。」李思捷坦言最怕工作地方沒廁所，他自爆：「有次工作途中好急，去到𨋢口忍唔住搞掂。又有次同胡定欣上台唱歌，但我真係忍唔住『咇』咗出嚟，搞到唱《大熱》時夾住雙腳。」
李思捷成為被整目標，先要穿上冰衫，之後又要食辣壽司（右圖）。
（左起）安仔、王君馨和曹永廉玩反凳時表現得相當興奮。王宝宝現身撐男友李思捷，幾經轉折才企定影相。
另外，自爆男友已求婚的滕麗名，被問婚事時三緘其口，她只說：「婚期唔講，一切由男友搞，大家都唔想張揚，但姊妹團已ready好，可能搵Niki（周麗淇）做姊妹。」而志偉對於苗僑偉（三哥）咀志偉新抱面的相片被登，他說：「噚日三哥已報案，其實藝人未了解可以唔答，唔知乜事易答錯。晏晝同三嫂（戚美珍）飲茶，佢都好嬲，佢嬲三哥唔知記者係乜水就答。」他認為三哥只是禮貌錫啖而已，對於報道以「姣勾」字眼，志偉直指無良，並已安慰新抱仔。
from:
http://hk.apple.nextmedia.com/entertainment/art/20130605/18284112
