今日巨型橡皮鴨Rubber Duck正式登陸維港。由荷蘭藝術家霍夫曼（Florentijn Hofman）設計的巨鴨，高16.5米，約有6層樓高，長19.2米，由今日起一直展覽至6月9日。
但竟然畀一個o靚模Ar Yu(曾寶玲)，騎劫咗。
32D o靚模Ar Yu曾寶玲。佢今朝獲海港城批准、進入小鴨展區影相，點知一埋位就剝、只圍住浴巾與鴨合照，令人嘩然。咁都得？梗係唔得啦，嗱嗱聲被海港城「請走」。
之不過，Ar Yu被逐離場之後，冇走到，反而走咗上去商場，喺露天走廊位置再摔泡泡影相。因為Ar Yu身材太豐滿，又只係包住條毛巾，動作一大…唉呀，疑似露點(或乳貼)，仲俾人影晒，放上網瘋傳。唔少人都話:「目的已達!」亦有人批評佢咁樣做博出位，同Rubber Duck宣揚和平主題完全風馬牛不相及喎。
黃秋生喺微博話﹕「o靚模尖沙嘴抽水，鴨仔多得佢唔少！」
Ar Yu事後接受電話訪問，表示為露點被拍一事爆喊，佢話：「我為呢件事好唔開心，都係自己唔小心。」事已至此，冇計。
露點照網上瘋傳
Ar Yu今日「大鬧」巨鴨展，更疑似走光，搶盡風頭。
晨早流流咁樣與鴨同浴，嚇死人咩…
32D「珍寶奶」Ar Yu，影性感寫真已如家常便飯。(資料圖片)
龍友喪影Ar Yu 師奶都有
o靚模Ar Yu(曾寶玲)大鬧鴨仔展，佢一去到就除衫幫雜誌影相，得番條浴巾咁少布，畀途人圍觀都好正常。
現場一大班龍友早有準備，個個拎住支「大炮」侍候，佢哋本來係影鴨，點知……當中仲有一位上咗年紀嘅女士，同樣係拎住單反相機，個樣好pro咁。見到Ar Yu咁樣，即把握機會留下「曾」貴一刻…亦都有年輕少女唔執輸，舉起手機狂影。
不過，同時亦有一啲女途人一臉不屑咁望住Ar Yu…眼神相當銳利…
左邊女士開頭只係望…
後來影埋一份….
男女大不同….後面兩位女士嘅眼神…唔…
