陳百祥新簽的34E「浸大咪神」楊焉（Carol，原名楊梓瑤）早前拋胸護主救收視，因而成為新寵，取代同公司戀愛大過天，只顧跟男朋友樊少皇拍拖的賈曉晨（JJ）地位。昨日兩女在不同場合現身，JJ穿上婚紗露出3吋事業線，隔空迎戰只以密實裝扮現身的師妹Carol，力保一姐地位。
面對師妹Carol嘅威脅，JJ雖然話冇邊個頂邊個，但噚日佢開始發力反擊，露出三吋事業線出席記者會。Carol前晚以34E巨胸啤酒妹look拍攝電影。
賈曉晨因為被指私自接工作及只顧拍拖，因而得罪老闆陳百祥（阿叻），令到新簽的楊焉成功上位，早前在阿叻主持的節目《叻哥遊世界》拋出34E胸，成功搶回不少收視，因而成為阿叻力捧取代JJ的秘密武器。
昨日JJ穿上婚紗出席跑馬地的活動，同場還有同公司的蔚雨芯及歌手連詩雅，不過以JJ的三吋事業線最為搶鏡。她接受訪問時表示跟阿叻公司的合約到本月底屆滿，目前正有不少公司來接觸，她說：「𠵱家係考慮階段，唔會即刻簽。未必唔續約，目前工作都係叻哥公司處理，大家關係都係互相信任，都有傾續約。」
逼爆啤妹衫
對於新加入的師妹Carol拋胸成功上位，JJ自言不怕被頂替，她說：「每人有唔同階段，個個人都想越做越好，冇話邊個頂邊個，大家路線唔同，觀眾係裁判。我就覺得Carol可以兩個字形容『好正』，有睇過節目，師妹好勁。」
樊少皇昨日出席電影節活動時雖然未有提到拍拖事，但見他神采飛揚明顯很開心。JJ師妹蔚雨芯亦以性感打扮，成功爭取到視線。
另外，阿叻新寵Carol昨日打扮密實跟呂慧儀等藝人，現身博愛歡樂傳萬家在尖沙嘴的記者會，她否認取代師姐JJ在公司的地位，她說：「每人唔同位置，唔會話取代，叻哥都冇偏心，大家機會均等，團拜時我見JJ同叻哥都有傾有講。如果我拍拖會問下叻哥老人家意見。」此外，前晚Carol以巨胸啤酒妹look現身中環，拍攝葉偉民的新戲，非常搶鏡，她拍攝時要不停抽煙。
from:
http://hk.apple.nextmedia.com/entertainment/art/20130321/18201866
