陳冠希（Edison）近日四圍飛為其公司CLOT做宣傳，前晚佢現身銅鑼灣舉行簽書會，現場有數十粉絲撐場，Edison聯同潘世亨現身，但Edison全程木無表情，連面對粉絲都冇嚟笑容。
病到死死吓嘅陳冠希同潘世亨（左）都冇乜交流，只係做吓手勢咋。
簽書會後即睇急症
而Edison喺影相時先露吓笑容，之後佢就以扁桃腺發炎兼發燒為由唔做訪問，由於佢上周五喺上海出席活動時，被問到對鍾欣桐（阿嬌）同K先生嘅新戀情問題時，Edison即發爛渣鬧記者stupid，內地傳媒仲話佢聞阿嬌爆粗㖭。所以前晚Edison唔做訪問可能都係怕被追問阿嬌嘅新聞，不過佢喺現場又唔似扮病，除咗面紅紅好似發燒咁，佢仲因為講唔到嘢同同事溝通都要做手勢，而東亞高層梁小姐就解釋Edison已經連續病咗幾日，指佢向來都唔會留意娛樂新聞，亦唔知道阿嬌嘅情況。據知Edison完成簽書會後就即趕到跑馬地養和醫院睇急症。
陳冠希（Edison）近日四圍飛為其公司CLOT做宣傳，前晚佢現身銅鑼灣舉行簽書會，現場有數十粉絲撐場，Edison聯同潘世亨現身，但Edison全程木無表情，連面對粉絲都冇嚟笑容。
簽書會後即睇急症
而Edison喺影相時先露吓笑容，之後佢就以扁桃腺發炎兼發燒為由唔做訪問，由於佢上周五喺上海出席活動時，被問到對鍾欣桐（阿嬌）同K先生嘅新戀情問題時，Edison即發爛渣鬧記者stupid，內地傳媒仲話佢聞阿嬌爆粗㖭。所以前晚Edison唔做訪問可能都係怕被追問阿嬌嘅新聞，不過佢喺現場又唔似扮病，除咗面紅紅好似發燒咁，佢仲因為講唔到嘢同同事溝通都要做手勢，而東亞高層梁小姐就解釋Edison已經連續病咗幾日，指佢向來都唔會留意娛樂新聞，亦唔知道阿嬌嘅情況。據知Edison完成簽書會後就即趕到跑馬地養和醫院睇急症。
面燶燶嘅陳冠希唔知係咪之前被人追問阿嬌新戀情，前晚現身唔做訪問。
陳冠希前晚搞簽書會，吸引咗幾十粉絲支持。
from:
http://hk.apple.nextmedia ... 130319/18199553
