將工作步伐放慢，JJ（賈曉晨）專心跟一起不夠一年的樊少皇發展，與陳百祥揸旗的經理人公司雖然快約滿，對續約與否，她亦抱住平常心。JJ擺出等嫁態度，造就浸大E神Carol（楊焉）及JJ師妹（蔚雨芯），力爭補上空缺，做阿叻愛將。
二十四歲Carol與十八歲卜卜脆蔚雨芯性感互片，鬥餐飽！
JJ早前與男友樊少皇到斐濟享受甜蜜之遊，戰鬥力大減。
論size我大過你！（設計對白）
見師妹咁搏，原本收埋上圍冇晒殺傷力的Carol，即刻喺《叻哥遊世界》節目解封，迫爆E Cup再出籠。
爆發胸戰
待嫁JJ三月約滿，阿叻愛將位置懸空，浸大E神Carol及JJ嫩口師妹蔚雨芯爭住補位。無論陪老闆出埠拍《叻哥遊世界》抑或遊船河，同樣勁cup的兩女，頻頻出招胸戰。一山之內藏二虎，同場開工，但卻零交流，擺明無偈傾。
現年二十四歲的Carol，曾一度封胸玩性格，又跟舊公司StarzPeople鬧意見遭雪藏，去年底過檔阿叻的Snazz，但E胸未能「獨大」，同公司仲有得十八歲的勁敵蔚雨芯。來勢「胸胸」的她，在墨西哥之旅晒魔鬼胸，進佔高登女神首位；早前低胸偷襲賀歲片《2013我愛香港》首映，亦將一身珠光寶氣的葉玉卿擊退，連同場的咪神高海寧也被比下去。
勁敵當前，玩個性死硬，Carol唯有重彈舊調，E cup重出江湖，跟老闆阿叻到澳洲拍旅遊節目，以三點式先掃低另一高登女神岑麗香，隔空向同門蔚雨芯發炮。
蔚雨芯早前出席賀歲片首映，一條低胸裙，風頭即與同騷胸的老薑葉玉卿睇齊。
一月出海幫阿叻拍MV，蔚雨芯（左二）稍為露吓本錢，便把Carol、朱千雪及岑杏賢等比下去。
心不和
二人近日雖經常同場，但表面和諧，其實零交流，內鬥。
事業線加長腿，蔚雨芯是近期宅男殺手。
澳洲之旅，女神香香件背心遮晒心口，泊埋露半球的Carol，兩個字——失色。
搵到靠山
唔唱得唔跳得，Carol自知靠身材唔長久，去年中專程到北京學普通話自我增值，卻意外交上名攝影師兼導演夏永康（Wing Shya），二人一撻即着，秘密拍拖半年。
失婚夏永康被E神Carol俘虜，出盡全力為女友鋪路。見宿敵蔚雨芯出完唱片，年中又出性感寫真，Carol即鞭策男友，代向電影公司推薦拍戲，希望借夏永康名氣幫拖狂谷，接替JJ。「佢哋拍拖收得好密，但Wing Shya不停幫Carol搭路拍戲，又成日喺人面前讚對方，聽講Carol簽俾阿叻，都係Wing Shya出面搭路。」知情者說。公司爆發胸戰，阿叻認為是良性競爭。
「既然大家都有性感本錢，就要展示吓實力，撇開爭寵，都係良性競爭。（怕唔怕變惡鬥，同門內亂？）總之邊個好似JJ咁跑出，得外界受落，就係公司嘅寵兒。」至於有傳Carol跟夏永康拍拖，阿叻引用JJ同樊少皇拍拖為例，唔理得咁多！
緋聞男友夏永康（小圖）經常操刀為Carol影靚相，又幫她鋪路拍電影，愛得落力。
