在無綫劇集《戀愛季節》飾演情侶的羅仲謙和梁靖琪（Toby），日前合力炮製心形朱古力，他們一時互笠高帽，一時互窒，十足大細路玩個不停。問到怎慶祝情人節？Toby說：「今年嫲嫲返咗嚟，會一齊過，我諗住整朱古力畀老公。」
炮製朱古力期間，兩人表現鬼馬，儼如大細路玩個不停。羅仲謙和梁靖琪合力炮製心型朱古力，希望所有人甜甜蜜蜜。
情人節要開工的謙謙則說：「哎吔，今年收乜嘢禮物好呢？希望fans唔好咁破費喇！」笑稱fans是指楊怡嗎？他面紅紅說：「唔係，我係話自己啲fans，唔好咁破費喇，有心意就OK喇！」問他有否試過自製禮物給女友？Toby即為他解圍，並笑說：「佢嘅性格係會做唔會講，佢個人比較怕醜，唔會講畀人聽㗎！」謙謙則說：「冇喎，有諗過整好多嘢，但係知自己整得唔好，所以獻醜不如藏拙，以前好少慶祝，𠵱家咪工作過。」
from:
http://hk.apple.nextmedia ... 130214/18164311
