【中環】被稱為賭王最靚最正嘅千金何超蓮，真係名不虛傳，21歲黃金歲月，樣靚身材正不特止，最正就係貴為賭王嘅掌上明珠，腰纏萬貫但係又絕無架子，待人接物又有禮貌，平日生活簡樸，從來都唔係太鍾意排場，拒絕保鑣跟身，最鍾意就係搭港鐵，食街邊小吃，享受平民一樣嘅自由自在生活。
偕友買護膚品
前日超蓮晏晝3點出動，一身青春逼人嘅便服，leggings加平底鞋，配搭一個貴氣Chanel新款牛仔布袋現身中環地鐵站，車廂內雖然人頭湧湧，但超蓮仍然自顧自戴住耳筒聽住音樂，非常低調，所以冇俾人發覺。
抵達金鐘站之後，佢就往太古廣場方向行，超蓮先到鞋舖同電話舖打咗個轉，然後會合朋友一齊去買護膚品，去到護膚品櫃枱，超蓮不停問售貨員邊隻打邊隻貨，仲打畀朋友問，雖然要左問右問搞好耐，佢都仍然保持儀態同禮貌，果然係我哋心目中嘅賭王公主，結果，真係搞咗一輪，超蓮要嘅貨已經賣斷貨，佢只好失望咁留電話，等貨到喇！
超蓮去到太古廣場戲院左睇右睇，唔知睇《一代宗師》定係睇《古惑仔：江湖新秩序》。
超蓮去到化妝品部揀選合時化妝品。
超蓮（右）左問右問，搵唔到想買的產品，於是打電話問朋友。
From:
http://hk.apple.nextmedia.com/entertainment/art/20130112/18131009
