【今日我至豪】36歲嘅梁敏儀喺《古惑仔：江湖新秩序》中有露點演出，佢話自己身材好，就算有特寫兩點鏡頭都唔介意，真係豪！
電影《古惑仔：江湖新秩序》前晚在旺角舉行連串宣傳活動，全片演員總動員現身，由於戲中有無綫藝員羅仲謙和梁烈唯擔正，故樂易玲拉隊到場撐二人。片中有大膽露點戲的梁敏儀得知有大特寫其兩點鏡頭時，竟指導演覺得她身材好才如此拍。
羅仲謙、梁烈唯、伍允龍和梁敏儀主演、王晶監製的電影《古惑仔：江湖新秩序》前晚先在旺角舉行首映，之後再在尖沙嘴舉行派對，無綫高層樂易玲拉大隊帶苟芸慧、陳庭欣和王君馨等捧場，苗僑偉夫婦和黃日華夫婦也有出席。
唯唯喜友願借錢
片中梁敏儀與沈震軒有多場床上肉搏戰，其中一場有露點演出，鏡頭大特寫其兩點，又大特寫兩人下體廝磨，她直言事前未看過片段，她坦言覺得尷尬是因為不知道效果如何，反而她對拍近鏡並不介意，她說：「我諗呢啲床戲，導演覺得我身材好，先有呢個畫面。拍時都有清場，但清極仲有啲人，嗰時同沈震軒未熟，所以好緊張。成部戲唔係全部裸，有戲演，因為呢部係人都知係《古惑仔》，唔係鹹片。」
羅仲謙前晚與樂易玲咬耳仔。
官非纏身的梁烈唯對性感的莊思敏目不斜視。
官非纏身的唯唯現時反告黃浩，原本王晶欲簽他十部片約，最終打退堂鼓逐部簽。問王晶是否怕片酬越來越貴？他說：「係想簽，𠵱家搞啲咁嘅嘢，有啲麻煩，唔驚加價，最緊要值得，當年周星馳都係越收越貴，初初咪同佢一樣儍吓儍吓。」唯唯則希望王晶回心轉意，至於反告一事，他說：「唔好用呢個名詞，只係從法律途徑取回公道，好多朋友都話借錢畀我，多謝關心，自己可以handle，連街坊都話撐我，總之公道自在人心，預算律師費要六位數。」唯唯昨日又到電視城錄影，他身上的格仔衫上周六已着過，即被記者取笑着完又着，他打趣說：「你咁好眼，冇錢買衫嘛，要打官司，最好有人sponsor啦。」
此外，對於首映及上映日期都對撼王家衛的《一代宗師》，王晶覺得大家風格不同，只希望兩片都收得。
from:
http://hk.apple.nextmedia ... 130110/18128503
