內地電影《人再囧途之泰囧》喺內地票房凌厲，截至今年元旦，票房已突破10億人仔，破咗《畫皮2》創造的7.26億元華語片票房紀錄。
范冰冰受導演兼男主角徐崢打動，免費喺片中客串做女神，咁仲不特止，冰冰仲會着泳衣被另一男主角王寶強推油。FBI真係好想知同千嬅合作過嘅徐崢（小圖）寫咗封乜信去打動冰冰。
呢套刀仔鋸大樹成票房神話嘅內地電影，喺香港未有得睇，所以就咁睇兩位中佬喺泰國遊歷嘅劇照，自然唔明有乜咁好笑，FBI反而關心點解大明星范冰冰肯客串，而且仲有着泳衣畫面。原來自導自演嘅男主角徐崢（拍過《春嬌》，演溝楊千嬅嘅老實強國人）喺開戲前專登寫咗封超長嘅信，游說范冰冰，冰冰最後被徐崢嘅誠懇打動，答應免費演出，𠵱家套戲咁收得，冰冰仲話要自薦做續集女主角添。
