發新話題 Report thanks

[資訊分享] 洪永城溝女王,《烽火》鹹濕仔,洪永城偷食俾女撇

雖然洪永城成日扮單身,但記者亦在Emily的facebook中發現唔少佢同洪永城嘅拍拖照。據知Emily港大畢業,學歷比洪永城好,上年二人仲齊齊去咗北海道旅行。

自余詠珊由有線電視跳槽無綫,出任無綫非戲劇科製作總監後,一眾曾經喺有線跟過佢搵食嘅舊部亦相繼跟隊,黃翠如拍劇做女一、陸浩明又開始喺J2紮根,但要數最得寵的,係由now過檔、專門主持旅遊節目的洪永城。洪永城一入無綫即安排主持台慶黃金時段旅遊節目《走過烽火大地》,年底更會拍劇做主角。

幕前洪永城係旅遊王子,但背後原來係溝女王。據知,洪原本跟任職金融界嘅圈外女友拍拖多年,最近卻因多次被揭發背住女友溝女而致分手收場,洪的密友更形容佢對外形唔差嘅女性都會即刻起痰,名副其實鹹濕仔。

30歲洪永城(Tony)有線出道,08年轉投now,今年因余詠珊關係轉投無綫,即被安排拍攝台慶重頭節旅遊目《走過烽火大地》,得寵程度可見一斑。據知12月底洪永城更會同陳茵媺、林夏薇拍攝新劇《單戀雙城》。

同裸女爆房
09年洪永城為now到西班牙拍攝旅遊節目《一個地球》,介紹畢加索名作,洪永城應導演要求全裸上陣扮畢加索名畫造型,更同外籍model肉搏。做旅遊節目都要全裸上陣,認真搏命。
洪永城溝女王,《烽火》鹹濕仔,洪永城偷食俾女撇圖片1洪永城溝女王,《烽火》鹹濕仔,洪永城偷食俾女撇圖片2
洪永城溝女王,《烽火》鹹濕仔,洪永城偷食俾女撇圖片3
扮單身溝女
做過3間電視台都係旅遊主持,洪永城係正宗旅遊王子。雖然洪永城唔算特別靚仔,但憑陽光男孩外表,加上口齒伶俐又玩得,身邊一直不乏女性朋友。

Tony的身邊人透露,他最近同拍拖多年的女友Emily分手,原因就係衰花心。「佢同Emily拍咗好耐拖,經常都會孖住出去夜蒲,佢哋都有一班共同嘅朋友。

不過Tony份人就好鍾意撩女仔,身邊亦有好多異性,佢試過多次背住自己女友約會異性,仲同對方講自己冇女朋友,即使對方結咗婚,佢都會纏實對方,食得唔好嘥。」
洪永城溝女王,《烽火》鹹濕仔,洪永城偷食俾女撇圖片4洪永城溝女王,《烽火》鹹濕仔,洪永城偷食俾女撇圖片5
Emily(右)身邊好友同洪永城相熟,所以拍拖期間經常一大班朋友一齊夜蒲,齋睇洪永城呢個伸脷樣就知佢玩得。洪永城同Emily拍拖4年,上年暑假Emily仲上載同洪永城去沙灘玩嘅煙韌相上facebook,可惜今年就因男友花心而分手。

提黄婉曼興奮
洪永城溝女王,《烽火》鹹濕仔,洪永城偷食俾女撇圖片6
11年拍攝now《食勻全中國》又全裸上陣,介紹洛陽嘅浴堂。

因為衰溝女,洪永城女友Emily於是主動提分手。事實上洪永城亦不是第一次衰花心激嬲女友。

今年初,他與「32F」黄婉曼因為主持now節目《撳錢》而傳撻着,Emily亦曾大興問罪,不過最後亦被口甜舌滑的洪永城氹掂冇事。之不過洪永城夜蒲時,曾與新相識嘅女性朋友打開話題,亦會提起黄婉曼,「佢提起黄婉曼就好開心,當時佢同黄傳緊緋聞,佢就話對方冇男友囉。而當時佢同女朋友即使一齊出去蒲都各有各玩,開始冇乜交流,都估佢哋唔拍得幾耐。」

本刊曾致電洪永城,但洪因身在英國工作,至截稿前仍未聯絡得上。

黄婉曼:唔會吼佢囉!
洪永城雖有固定女友,但對身邊女性都超嗒糖。據知做有線期間就對黃翠如有興趣,而喺now做主持時,亦傳過佢力追F cup黃婉曼。

《撳錢》撻着
洪永城溝女王,《烽火》鹹濕仔,洪永城偷食俾女撇圖片7
洪永城喺now期間同黃婉曼經常主持《撳錢》,有傳洪永城力追,不過黃婉曼當時就爆洪永城有固定女友。記者週一致電黄婉曼,提起緋聞,她就說:「我當佢細佬嚟㗎咋,唔會吼佢囉,不過佢都冇追我。」

傳聞洪永城自05年認識黃翠如後便想力溝,可惜女方唔過電,最近二人都加入無綫,更一齊到英國拍攝旅遊節目,黃翠如更上載二人合照,但就寫住「兄弟」,週一黄翠如表示:「我當佢好兄弟,我知佢啱啱散咗,但理由你問番佢啦!」
洪永城溝女王,《烽火》鹹濕仔,洪永城偷食俾女撇圖片8洪永城溝女王,《烽火》鹹濕仔,洪永城偷食俾女撇圖片9
我當佢好兄弟。(真實對白)

主持變男一
TVB花旦小生買少見少,加上有余詠珊提攜,洪永城於今年年尾會正式由主持跳到拍劇,零拍劇經驗竟升呢做男主角。

收視高過《男主角》
洪永城溝女王,《烽火》鹹濕仔,洪永城偷食俾女撇圖片10洪永城溝女王,《烽火》鹹濕仔,洪永城偷食俾女撇圖片11
洪永城一加盟無綫即被派去拍攝《走過烽火大地》,仲喺台慶月檔期播,有余詠珊(小圖)撐住係唔同啲。首週平均收24,最高更有27,仲高過《最佳男主角》2點添。洪永城拍完新旅遊節目後,12月底將會拍攝劇集《單戀雙城》,劇中有陳茵媺同林夏薇,他處女拍劇竟空降做男一。

家道中落
洪永城溝女王,《烽火》鹹濕仔,洪永城偷食俾女撇圖片12
洪永城於家中排第二,屋企曾經富貴過,住過羅便臣道,亦有Benz出入,洪亦被家人送到新西蘭留學。不過家境突然喺02年變差,洪永城回港工作。09年成27歲,才透過HKU SPACE完成澳洲Curtin University嘅學位課程,更喺灣仔君悅酒店行畢業禮,媽媽、兄長及女友都有撐場支持。

採訪、撰文:娛樂組

如果您喜歡這篇文章,請按「讚」或分享給您的朋友,以示鼓勵。

TOP

thanks 
熱門話題:2014 世界盃 」 「開倉情報