性感上陣的高海寧大讚痛失港姐冠軍寶座的朱千雪有大將之風。
高海寧前晚以性感高貴打扮到中環出席美酒活動，對於今屆民選港姐最終爛尾收場，她說：「係技術方面問題，都唔想，亦都估唔到，所以用最傳統方法以評判畀分，自己揀朱千雪，冠軍都好多人讚。」有傳朱千雪有機會與劉德華拍劇，高海寧直認若屬實會十分羨慕。
無綫普選港姐一鑊泡，now TV即來抽水，今晚舉辦「一人一留言，選出真港姐」活動，觀眾可在四小時內用遙控器或到《102觀星台》的facebook專頁留言選冠軍。
前晚同場有Donut成員Ar Yu谷胸做DJ打碟，是否想撼贏高海寧？她謙虛說：「未夠資格，大會要求性感，我有打底同戴nude bra。」
